Qazaqstan • 17 Qańtar, 2022

Qazaqstannyń BAÁ-ǵa salǵan ınvestısııa kólemi $1 mlrd asty

70 ret kórsetildi

Qazaqstan Respýblıkasynyń Premer-Mınıstri Álıhan Smaıylov BAÁ Premer-Mınıstriniń orynbasary – Prezıdent isteri jónindegi mınıstri sheıh Mansýr ben Zaıd Ál Nahaıanmen telefon arqyly sóılesti, dep habarlaıdy Egemen.kz.

BAÁ Premer-Mınıstriniń orynbasary – Prezıdent isteri jónindegi mınıstri sheıh Mansýr ben Zaıd Ál Nahaıan Á. Smaıylovty Qazaqstan Respýblıkasynyń Premer-Mınıstri laýazymyna taǵaıyndalýymen quttyqtady. 

Mansýr ben Zaıd Ál Nahaıan qańtar oqıǵasy kezinde qaza tapqan qazaqstandyqtardyń otbasylaryna kóńil aıtyp, barsha Qazaqstan halqyna beıbitshilik pen órkendeý tiledi. 

Taraptar  strategııalyq áriptestikti odan ári nyǵaıtýǵa ázir ekendikterin bildirdi. 

2021 jyldyń 11 aıynyń qorytyndysy boıynsha QR men BAÁ arasyndaǵy ózara saýda kólemi $673,7 mln qurady, bul 2020 jyldyń sáıkes kezeńindegi kórsetkishten shamamen 50%-ǵa artyq jáne 2019 jylǵy pandemııaǵa deıingi deńgeıden edáýir asyp tústi. 

Qazaqstanda ámirlikter kapıtalynyń qatysýymen 300-ge jýyq birlesken kásiporyn jumys isteıdi. Qazaqstannyń Táýelsizdik jyldarynda Birikken Arab Ámirlikteriniń QR ekonomıkasyna tikeleı ınvestısııa kólemi $2,4 mlrd qurady, QR-nyń BAÁ-ǵa salǵan ınvestısııa kólemi $1 mlrd asty. 

Qazaqstan Premer-Mınıstri Álıhan Smaıylov BAÁ QR-nyń arab álemindegi mańyzdy saýda-ekonomıkalyq seriktesi ekenin atap ótti. 

Bıyl Qazaqstan men Birikken Arab Ámirlikteri arasyndaǵy dıplomatııalyq qarym-qatynastyń ornaǵanyna 30 jyl tolady.

Sońǵy jańalyqtar

Uqsas jańalyqtar