Aımaqtar • 18 Qańtar, 2022

Shyrshalar «shyryldamaıdy»

51 ret kórsetildi

Dástúrdiń ozyǵy bar, tozyǵy bar degen sóz jyl saıyn jeltoqsannyń sońyna qaraı kóp úıdiń tórinen jalt-jult etken jasyl shyrshaǵa da qatysty aıtylsa kerek. Merekeniń mánin, shańyraqtyń sánin kirgizemiz dep tabıǵattyń tánin jaralap jatqanymyzdy eskermeımiz. Ras, sońǵy jyldary biraz jurt jasandy shyrshaǵa kóshkenimen, endi ósip kele jatqan jasyl jelekti aıaýsyz shaýyp, paıdaǵa kenelgisi keletinder de azaımaı tur.

Munyń bir dáleli, Qostanaıda jańa jyl qar­sańynda saýdaǵa shyǵarylǵan myńdaǵan shyrsha satylmaı qaldy. Saýdasy júrmegen alypsatarlardyń keıbiri ótpeı qalǵan shyrshasyn, tipti, satyp turǵan jerine tastap ketken.

Oblys aýmaǵyndaǵy ormandardan shyrsha shabýǵa tyıym salynǵan soń, Qostanaıǵa jasyl jelekter birtalaı jyldan beri Reseı ormandarynan ákelinip júr. Ekologterdiń aıtýynsha, ótken jeltoqsanda kásipkerlerdiń 10 myń shyrshasy ótpeı qalǵan. Jasyl taýardyń ótpeı qalǵanyna alypsatarlardyń qomaǵaılyǵy sebep bolǵan sııaqty, óıtkeni qala turǵyndary ádette ári ketse 1500-2000 teńgege satyp alatyn jańajyldyq shyrshanyń ár túbi ótken jyldyń sońynda 4 myńnan bastalyp, 8 myń teńgege deıin baǵalandy. Saldarynan, qalanyń ár jerinde tamyrsyz shyrshalar úıilip qaldy.

Shyrshalardyń ótpeı qalǵany bar, turǵyndardyń aýladaǵy qoqys oryndaryna shyǵaryp tastaǵany bar, «Tazalyq-2012» seriktestigi men ekologter bir­lese otyryp, qala boıynsha túgeldeı jınap, bárin óńdeýge jibermek. Atalǵan seriktestiktiń kúrek, sypyrt­qy sabyn jasaıtyn arnaıy aǵash óńdeý qurylǵysy bar.

– Sol jerge jınaımyz. Shyrshanyń jasyl qylqandaryn da kádege jaratýǵa bolady. Ony qaptap, baý-baqsha egetin turǵyndarǵa taratyp beremiz. Tájirıbeli baǵbandar muny jazǵyturym sýǵa salyp qoıady, biraz ýaqyt ótken soń, sýǵa bókken qylqan taptyrmaıtyn tyńaıtqyshqa aınalady. Munyń syrtynda, bıyl tıisti oryndarǵa Reseıden shyrsha ákelýdi toqtatý týraly usynyspen shyǵaıyq dep otyrmyz. Qazaqstanda kommersııalyq maqsatta aǵash kesýge tyıym salynǵandyqtan, shyrshanyń bári Reseıden jetkiziledi. Eń bolmasa, syrttan ákelinetin shyrsha sanyn meılinshe azaıtýǵa tyrysamyz. О́ıtkeni óspeı jatyp balta shabylǵan qanshama jasyl jelek tekten-tekke kúresinge tastalady. Bári tabıǵat ananyń baılyǵy ǵoı. Baıǵustarǵa til bitse, olardyń janushyra shyryldaǵan daýsynan qulaq tunyp qalar ma edi,  – dedi ekobelsendi Naýryzbaı Birmaǵanbetov.

Iá, shyrshalar shyryldamaıdy. Al qar etegi túrilip, naqyshy erek naýryz jetkende Shyǵystaǵy jurt tańmen talasa turyp, ulystyń uly kúnin tal egýden bastaıdy.

 

Qostanaı oblysy

Sońǵy jańalyqtar

Aldaǵy kúnderi aýa raıy qandaı bolady

Aýa raıy • Búgin, 11:35

Búgingi valıýta baǵamy

Qarjy • Búgin, 09:32

Elimizdiń birqatar oblysynda úsik júredi

Aýa raıy • Búgin, 09:18

Arǵymaqtar alamany

Aımaqtar • Búgin, 08:42

Azııanyń úzdigi dep tanyldy

Sport • Búgin, 08:40

Eki oıyn keıinge shegerildi

Sport • Búgin, 08:37

Jan Joandy jeńdi

Sport • Búgin, 08:34

Jeńilisten kóz ashpaı tur

Hokkeı • Búgin, 08:32

Túrik qyzdary top jardy

Sport • Búgin, 08:30

О́nerpaz órender tánti etti

Aımaqtar • Búgin, 08:25

Basty maqsat – qoǵam dertinen arylý

Ekonomıka • Búgin, 08:23

Uqsas jańalyqtar