Koronavırýs • 18 Qańtar, 2022

Jyl basynan beri koronavırýs juqtyrý deńgeıi 19,6 ese artty

53 ret kórsetildi

Elimizde sońǵy aıda koronavırýs ınfeksııasymen syrqattaný 21 esege ósti. Bul týraly búgin Úkimet otyrysynda QR Densaýlyq saqtaý mınıstri Ajar Ǵınııat aıtty, dep habarlaıdy Egemen.kz.

«Dúnıejúzin dúrbeleńge salǵan koronovırýstyń «omıkron» túri elimizdiń epıdemıologııalyq jaǵdaıyn ýshyqtyrdy. Qazaqstanda «omıkron» túri tez taralyp, búgingi kúni Túrkistan oblysyn qospaǵanda elimiz ben óńirler «qyzyl» aımaqqa aýysty. Eldegi epıdemıologııalyq kórsetkish koronovırýstyń «omıkron» túriniń taralýyn rastap otyr», dedi mınıstr.

Máselen, onyń dereginshe, sońǵy aıda koronavırýs ınfeksııasymen aýyrý 19,6 ese, reprodýktıvtik san 2,1 ese ósti. COVID-19-ǵa testileýdiń táýliktik kólemi 3,5 ese ulǵaıdy jáne táýligine 50 myń test jasalýda.

«Sonymen qatar, aýrý kóbeıse de, sońǵy aıda ólim-jitim az, 2,3 ese tómendedi. Kovıdtik stasıonarlarda em alatyn pasıentterdiń sany 2,2 esege, ambýlatorııalyq deńgeıde aýrýlardyń sany 5 esege artty», dedi Ajar Ǵınııat.



 

Sońǵy jańalyqtar

Uqsas jańalyqtar