Qoǵam • 18 Qańtar, 2022

Suıytylǵan gaz satýshylaryna qatysty tergeý bastaldy

44 ret kórsetildi

Bul týraly Úkimet otyrysynda Básekelestikti qorǵaý jáne damytý agenttiginiń tóraǵasy Serik Jumanǵarın aıtty, dep habarlaıdy Egemen.kz.

«Bas prokýratýramen birlesip 6 kóterme suıytylǵan gaz satýshysyna («QazMunaıGaz» AQ, «Petrosun» JShS, «SNPS-Aqtóbemunaıgaz» AQ, «QazGerMunaı BK» JShS, «Qazaqoıl Aqtóbe» JShS jáne «QazGО́Z» JShS - monopolııalyq joǵary baǵalardy belgileý bóliginde ústem jaǵdaıdy teris paıdalaný belgileri boıynsha) jáne suıytylǵan munaı gazyn bólshek saýdada ótkizý naryǵynyń 180 sýbektisine qatysty tergep-tekserýler taǵaıyndaldy. Baǵanyń ósýiniń negizgi sebebi elektrondyq saýda alańyndaǵy baǵa mehanızminiń jetilmegendigi ekenin tergep-tekserýdiń aldyn ala nátıjeleri kórsetti», dedi Serik Jumanǵarın.

Onyń aıtýynsha, osyǵan baılanysty, ótken jyly «Gaz jáne gazben jabdyqtaý týraly» zańnamaǵa ózgerister engizildi jáne Memleket basshysy 2021 jylǵy 30 jeltoqsanda «Qazaqstan Respýblıkasynyń keıbir zańnamalyq aktilerine saýda qyzmeti, bırjalyq saýdany damytý jáne derbes derekterdi qorǵaý máseleleri boıynsha ózgerister men tolyqtyrýlar engizý týraly» Zańǵa qol qoıdy jáne osy jyldyń ózinde suıytylǵan munaı gazyn ótkizý taýar bırjalaryna aýysady jáne turaqty baqylaýda bolady.

Sońǵy jańalyqtar

Uqsas jańalyqtar