ShQO ekologııa departamenti málimetinshe, aıyppul somasy 4 631 690 teńgeni quraǵan.
«21 jeltoqsanda № 2 sehta fýrým-qondyrǵyny tazalaý boıynsha josparly tehnologııalyq jumystar júrgizildi. Bul prosedýra jobalyq sheshim retinde qarastyrylmaǵan. Kásiporyn QR ÁQBtK-niń 332-baby boıynsha ákimshilik jaýapkershilikke tartyldy («Memlekettik ekologııalyq saraptama qorytyndysynda qamtylǵan talaptardy oryndamaý»), aıyppul somasy 510 myń teńge bolady.
Vıdeodan qyzǵylt tústi gaz-aýa qospasynyń artyq mólsheri baıqaldy. Sondyqtan tazartý qaǵıdalaryn buzǵany úshin QR ÁQBtK-niń 331-baby boıynsha («Atmosferalyq aýaǵa lastaǵysh zattardyń shyǵaryndylaryn tazalaýǵa jáne baqylaýǵa arnalǵan qurylystardy nemese jabdyqtardy paıdalanbaý jáne sarqyndy sýlardy aǵyzý») aıyppul salyndy, onyń somasy - 1 mıllıon 750 myń teńge.
Tútin qubyryn ólsheý nátıjeleri boıynsha kómirtegi oksıdi 8,9 ese, hlorsýtegi 2,1 ese asyp ketkeni anyqtaldy. Osy jaıttar úshin «TMK» AQ-ǵa QR ÁQBtK 328-baby boıynsha («Qorshaǵan ortaǵa ruqsat etilgen antropogendik áser normatıvterin buzý») aıyppul salyndy, aıyppul somasy - 2 mıllıon 371 myń teńge», dedi ShQO bas memlekettik ekologııalyq ınspektor, oblystyq ekologııa departamenti basshysynyń orynbasary Raýan Turarov.
