Qyzylorda oblysy boıynsha qylmystyq atqarý júıesi departamentine qarasty ZK-169/5 mekemesinde jazasyn ótep jatqan azamatqa joldanǵan sálem-saýqattyń ishinen esirtki zaty anyqtaldy.
Mekeme qyzmetkerleri joǵaryda atalǵan sottalǵanǵa kelgen sálem-saýqatty tekserý barysynda 3 dana doner arasyna salynǵan ózine tán hosh ıisi bar shóp tektes zaty tárkilendi.
«Jedel túrde 102 nómirine habarlanyp, mekemege Qyzylorda qalalyq polısııa basqarmasynyń jedel tergeý toby shaqyrtyldy. Tárkilengen zat boıynsha sot saraptama jumystary taǵaıyndaldy. Salmaǵy 31,18 grammdy quraıtyn keptirilgen marıhýana ekeni dáleldendi. Atalǵan derek boıynsha QR Qylmystyq kodeksiniń 297-babynyń 1-bóligimen sotqa deıingi tergeý jumysy júrip jatyr», dep málim etti Qyzylorda oblysy boıynsha qylmystyq-atqarý júıesi departamentinen.
