Ekologııa • 19 Qańtar, 2022

Qazaqstanda ýtılızasııalyq alymdar «Jasyl damý» AQ-na berildi

101 ret kórsetildi

«О́KM Operatorynyń» ýtılızasııalyq alymdar jınaǵy boıynsha qyzmeti toqtatylyp ornyna jańa kompanııa anyqtaldy, dep habarlaıdy Egemen.kz.

Bul týraly Ekologııa, geologııa jáne tabıǵı resýrstar mınıstrliginiń baspasóz hatshysy Oljas Berkinbaev feısbýk paraqshasynda jazdy.

«2022 jylǵy 11 qańtarda Qazaqstan Respýblıkasy Parlamenti Májilisiniń otyrysynda sóılegen sózinde Memleket basshysy Q.Q. Toqaev «О́KM Operatory» JShS-niń kádege jaratý alymyn júrgizý jáne kádege jaratý alymyna ıelik etýdi toqtatý jóninde sharalar qabyldaýǵa tapsyrma bergen bolatyn.

Osy tapsyrmany oryndaý sheńberinde 2022 jylǵy 18 qańtarda Qazaqstan Respýblıkasynyń Úkimeti «Qazaqstan Respýblıkasynyń Ekologııa, geologııa jáne tabıǵı resýrstar mınıstrligine vedomstvolyq baǵynysty uıymdardyń keıbir máseleleri týraly» Qaýly qabyldady.

Osyǵan baılanysty óndirýshilerdiń (ımporttaýshylardyń) keńeıtilgen mindettemeleriniń operatory bolyp memlekettik uıym retinde «Jasyl damý» aksıonerlik qoǵamy aıqyndaldy. «О́KM Operatory» JShS-niń kádege jaratý alymyn ákimshilendirý jáne tıisti qarajattarǵa bılik etý bóligindegi qyzmeti toqtatyldy», dep atap ótildi mınıstrlikten.

Vedomstvo málimetinshe, búgingi kúni tıisti ýákiletti organdar aktıvterdi memlekettik menshikke berý, ýákiletti organdardyń qorytyndylaryn usyný, «Jasyl damý» AQ balansyna berý, aksıonerlik qoǵamdy ádilet organdarynda qaıta tirkeý jáne basqa da is-sharalardy qabyldap jatyr.

Aıta keteıik, «Jasyl damý» aksıonerlik qoǵamy QR Ekologııa, geologııa jáne tabıǵı resýrstar mınıstrliginiń qaramaǵyndaǵy uıym sanalady.

«Ýtılızasııalyq alymnyń koeffısıentterin tómendetý máselesi boıynsha QR Memleket basshysynyń tapsyrmasyna sáıkes kádege jaratý alymynyń koeffısıentterin qaıta qaraý boıynsha vedomstvoaralyq jumys toby quryldy. Bul mólsherlemeler osy jyldyń aqpan aıynyń sońyna deıin qaralyp, bekitiledi. Joǵaryda kórsetilgen jumys tobynyń qyzmet nátıjeleri týraly aqparat mınıstrliktiń ınternet-resýrsynda ornalastyrylady. Kórsetilgen ýaqytqa deıin kádege jaratý alymy «Jasyl damý» AQ operatoryna qoldanystaǵy mólsherlemeler boıynsha tólenýde», delingen mınıstrlik aqparatynda.

Esterińizge sala keteıik, memleket basshysy Qasym-Jomart Toqaev 11 qańtarda «О́KM operatorynan» ýtılızasııalyq alym qyzmetin toqtatýdy tapsyrdy.

Ol sondaı-aq, ýtılızasııalyq alym mólsherin qaıta qaraýdy tapsyrdy. Keıinirek ekologııa, geologııa jáne tabıǵı resýrstar mınıstrliginde Qazaqstanda ýtılızasııalyq alymdy kim jınaıtynyn habarlaǵan edi.


 

Sońǵy jańalyqtar

Bar jaqsymyz – balalarǵa

Qazaqstan • Keshe

Adam quqyǵyn qorǵaýdaǵy jańa beles

Referendým-2022 • Keshe

Akademıktiń algorıtmi

Ǵylym • Keshe

Erdi syılar el qaıda?

Qoǵam • Keshe

Altyn qyz

Sport • Keshe

Talant pen talap

Ádebıet • Keshe

Tarıhı tanym taǵylymy

Tarıh • Keshe

Ádebı ómirdegi áıelder

Rýhanııat • Keshe

Uqsas jańalyqtar