Aımaqtar • 20 Qańtar, 2022

Shymkent ákimi «Sáýle» shaǵynaýdanynda atqarylǵan jumystardyń barysyn pysyqtady

82 ret kórsetildi

Shymkent qalasynyń ákimi Murat Áıtenov Ál-Farabı aýdany «Sáýle» shaǵynaýdanyndaǵy №129 mektepte turǵyndarmen kezdesip, eldi mekendegi jáne 195, 276 oramnyń ınfraqurylym júıelerimen qamtý jumystarynyń barysyn pysyqtady, dep habarlaıdy Egemen.kz.

«Sáýle» shaǵynaýdany ınjenerlik-ınfraqurylymmen tolyq qamtylǵan. 26,1 shaqyrym kóshelerdiń 23,1 shaqyrymy (88,5 %) asfalttanǵan. 2021 jyly Kóktóbe, J.Jabaev kóshesi jaryqtandyryldy. a

195 oram da ınjenerlik júıelermen tolyq qamtamasyz  etildi. Elektr qýatymen qamtý jumystary 2019 jyly,  aýyz sý júıeleriniń qurylysy 2020 jyly aıaqtalǵan. 2021 jyly gaz júıeleriniń qurylysy tolyq oryndaldy. 2022 jyly naýryz-sáýir aılarynda AGRS №3 gaz taratý stansııasy iske qosylǵan soń abonentterge qosý jumystary júrgiziledi.

2021 jyly 8 kóshege (3,4 shaqyrym) tas tóseldi. 2022 jyly Aqjaıqyn, Qyzyltas, Jalaýly, Qaraǵandy jáne №1 kóshelerge asfalt tóseý jumystary qolǵa alynbaq.

276 oramda ınjenerlik júıelermen qamtý boıynsha josparly jumystar júrgizilýde. Eldi mekenge aýyz sý tolyq jetkizilgen. Elektr qýatymen qamtýda «Aqsemserstroıservıs» JShS tarapynan qurylys jumystarynyń 65 paıyzy oryndaldy. 2022 jyldyń qarasha aıynda tolyq aıaqtaý josparlanýda.

Tabıǵı gazben qamtý boıynsha merdiger «HMSÝ Shymkentmelıorasııa» JShS bıyl sáýir aıynda qurylys jumystaryn bastaıdy. Jyl sońyna deıin aıaqtalady dep kútilýde. Gaz júıeleriniń uzyndyǵy – 28 shaqyrym. Bıyl 14 kóshege (15 shaqyrym) tas tóseý josparlanýda.

Aıta ketsek, búgingi tańda Sáýle shaǵynaýdany turǵyndaryna №32,43 marshrýttar qyzmet kórsetýde. 195 oram boıynsha №16 avtobýs baǵyty Tóle bı kóshesine deıin turaqty qatynaýda.a

Qala ákimi kezdesýde júzege asyrylyp jatqan jumystardy jan-jaqty túsindirip ótti. Halyqtyń muń-muqtajyn tyńdap, saýaldaryna jaýap berdi. Shahar basshysy osylaı jıi kezdesip turýdyń jumystyń júıeli júrýine paıdasy kóp ekenin aıtty.  

Jıyn sońynda turǵyndar qala ákimine alǵystaryn jetkizdi.

Sońǵy jańalyqtar

Suıytylǵan gaz baǵasy óspeıdi

Qoǵam • Búgin, 18:21

Aldaǵy kúnderi aýa raıy qandaı bolady

Aýa raıy • Búgin, 18:00

Dollar arzandady

Qarjy • Búgin, 16:22

Shymkentte de LRT salynýy múmkin

Aımaqtar • Búgin, 12:50

Prezıdent dıpkorpýs ókilderin quttyqtady

Prezıdent • Búgin, 12:39

Bas múftı kásipkerlerge úndeý jasady

Rýhanııat • Búgin, 12:28

Uqsas jańalyqtar