Elorda • 20 Qańtar, 2022

Epıdemıologııalyq jaǵdaıdy turaqtandyrýǵa revaksınasııa múmkindik beredi – Altaı Kólginov

66 ret kórsetildi

Nur-Sultan qalasynyń ákimi Altaı Kólginov Instagram paraqshasynda mektep oqýshylary oflaın formatta oqýǵa qashan oralatynyn jáne balalar men pedagogtardyń densaýlyǵynyń qaýipsizdigi qalaı qamtamasyz etiletinin málim etti, dep habarlaıdy Egemen.kz elorda ákimdiginiń resmı saıtyna silteme jasap.

«Qurmetti qala turǵyndary!

О́zderińiz biletindeı, sońǵy aptalarda epıdemıologııalyq jaǵdaı kúrt nasharlady, tıisinshe karantındik sharalar da kúsheıtildi. Balalarymyzdyń mektep partasynda qaıta oqýy, sporttyq mekemeler, teatrlar jáne qalanyń ózge de mańyzdy nysandary esh kedergisiz jumys isteýi úshin eńbek ujymdary tolyǵymen revaksınasııadan ótýi qajet. Vaksınasııa/revaksınasııa ǵana koronavırýs ınfeksııasyn jeńýdiń tıimdi ádisi. Epıdjaǵdaıdy turaqtandyrý – nysandardyń tolyǵymen jumys isteý múmkindigi.

Qazir balalarymyz qaıtadan qashyqtan oqý formatyna kóshti. Degenmen 24 qańtardan bastap oqýshylardy oflaın rejımge kóshirýdi josparlap otyrmyz. Ol úshin vaksınasııa men revaksınasııa arqyly balalarymyzdy, muǵalimderimizdi qaýipten qorǵaýymyz qajet.

Pandemııaǵa qaramastan oqý oryndarynyń qurylys kólemin azaıtqan joqpyz. Sebebi jańa oqý oryndaryn ashýdyń mańyzdylyǵyn baıqap otyrmyz. Bıyl – 3 toqsanda taǵy 7 mektep ashtyq. Osy 7 mekteptiń ózi taǵy 20 myń oqýshy ornyn qurýǵa múmkindik berdi.

№93 jańa mektep-lıseıine arnaıy bardym. Ol Almaty aýdanynda (J.Nájimedenov kóshesi), qurylysy qarqyndy júrip jatqan aýdanda ornalasqan. Bul oqý orny ózge úsh mekteptiń problemasyn sheshýge múmkindik berip otyr.

Memleket basshysynyń tapsyrmasy boıynsha mektep qurylysynyń kólemi aıtarlyqtaı artty. Mysaly, 2019 jyly 6 mektep salynǵan bolsa, 2020 jyly 11 mektep esigin aıqara ashty.

Bıylǵy oqý jylynda 40 myń oqýshy ornyna arnalǵan 15 mektep saldyq. Bul osylaısha 5 mekteptegi shamadan tys júkteme máselesin, sol sııaqty oqýshy sany tym kóp 10 mekteptiń problemasyn sheshýge múmkindik berdi.

2022 jyly (jańa oqý jyly) keminde 16 mektep salynady. Keshendi jospar aıasynda 5 jyldyq kezeńge 70-ke jýyq mektep salý josparlanyp otyr. Mektep qurylysyna da jeke ınvestısııa tartamyz», dep jazdy elorda ákimi.

Sońǵy jańalyqtar

Suıytylǵan gaz baǵasy óspeıdi

Qoǵam • Búgin, 18:21

Aldaǵy kúnderi aýa raıy qandaı bolady

Aýa raıy • Búgin, 18:00

Dollar arzandady

Qarjy • Búgin, 16:22

Shymkentte de LRT salynýy múmkin

Aımaqtar • Búgin, 12:50

Uqsas jańalyqtar