Ekonomıka • 21 Qańtar, 2022

Ulttyq Bank valıýta naryǵyndaǵy turaqtylyqty qamtamasyz etedi

64 ret kórsetildi

QR Ulttyq bank tóraǵasy Erbolat Dosaev Memleket basshysyna eldegi Tótenshe jaǵdaı kezinde atqarylǵan sharalardy málimdedi, dep jazady Egemen.kz.

«Tótenshe jaǵdaı rejımi kezinde saýda-sattyqtyń bolmaýyna jáne shetel valıýtasyna usynystyń shekteýli bolýyna baılanysty qalyptasyp jınaqtalǵan suranysty eskere otyryp, Ulttyq Bank valıýtalyq saýda-sattyqty qaıta bastaýdyń alǵashqy 2 kúninde kólemi 240 mln. AQSh dollaryna valıýtalyq ıntervensııa júrgizdi. Bul qarjylyq turaqtylyq táýekelderine jáne teńgege alypsatarlyq qysym kórsetýge jol bermeýdi qamtamasyz etti.

Qazaqstan Ulttyq Banki naryqtyń ishki jáne syrtqy qatysýshylary tarapynan teńgege degen senim tolyǵymen qalpyna kelgenge deıin valıýta naryǵynyń teńgerimdiligin qamtamasyz etedi. Bul rette Ulttyq Bank Aqsha-kredıt saıasatynyń 2030 jylǵa deıingi strategııasyna sáıkes naryqtyq suranys pen usynys negizinde aıqyndalatyn erkin baǵam qalyptastyrý saıasatyn ustanýdy saqtaıdy», dedi ol.

Ulttyq bank tóraǵasy memleket qoldanystaǵy zańnamaǵa sáıkes halyq salymdarynyń saqtalýyn qamtamasyz etetinin rastady. Salymshylardyń senimin arttyrý úshin olardyń salymdarynyń saqtalýyn qamtamasyz etý boıynsha qosymsha shara retinde jınaq depozıtteri boıynsha kepildik berý somasy 15 mln. teńgeden 20 mln teńgege deıin ósirilgenin atap ótti.

«Qazaqstannyń depozıtterge kepildik berý qory barlyq qabyldanǵan mindettemelerin oryndaýǵa daıyn. Osy maqsattar úshin arnaıy rezerv quryldy, ol búgingi kúni shamamen 850 mlrd teńge boldy», dedi ol Prezıdenttiń bıznes ókildermen kezdesýi barysynda.

Sońǵy jańalyqtar

Shymkentte taǵy bir aýdan qurylady

Qoǵam • Búgin, 16:58

Almatyda qant qymbattap barady

Qoǵam • Búgin, 16:45

Dollar baǵamy ósti

Qarjy • Búgin, 16:12

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Uqsas jańalyqtar