Sonymen qatar ustalǵan jáne tutqyndalǵan azamattardyń quqyqtaryn qamtamasyz etý úshin prokýrorlardyń qabyldaǵan sharalary jóninde baıandady. Ǵızat Nurdáýletovtiń aıtýynsha, olardyń bári qorǵaý, zańdy kómek alý, shaǵym jasaý quqyǵymen qamtamasyz etilip jatyr. Prokýratýra organdaryna qańtar oqıǵasyna qatysqan azamattardan 84 shaǵym túsken. Qadaǵalaý sharalary boıynsha ustalǵan 96 adam bosatylǵan.
Sonymen qatar qadaǵalaý organynyń jetekshisi naqty dáleli joq jaǵdaılarda jazany jeńildetý jónindegi Memleket basshysynyń bergen tapsyrmasynyń oryndalý barysy týraly esep berdi. Berilgen málimetter boıynsha ákimshilik tártipke sáıkes sottardyń sheshimimen 3314 adam tutqyndalǵan. Prokýrorlar 1884 iske qatysty jazany jeńildetý jóninde ótinish bergen. Olardy tekserý nátıjesinde 1083 adam tutqynnan bosatylǵan. 493 azamatqa salynǵan aıyppul eskertý jazasyna aýystyrylǵan.
Baıandamalardy tyńdaǵan Memleket basshysy bolǵan oqıǵanyń barlyq mán-jaıyn anyqtaý jumystaryn jalǵastyrý qajet ekenin aıtty.
Eske salaıyq, búgin Prezıdent jekelegen memlekettik organdardyń basshylarymen keńes ótkizdi.
