Elorda • 22 Qańtar, 2022

Elordadaǵy qurylysy uzaqqa sozylǵan JEO-3 qoldanysqa qashan beriledi

65 ret kórsetildi

Nur-Sultan qalasynyń ákimi Altaı Kólginov Instagram paraqshasynda qurylysy uzaqqa sozylǵan JEO-3 jumystary qashan aıaqtalatynyn aıtty, dep habarlaıdy Egemen.kz elorda ákimdiginiń resmı saıtyna silteme jasap.

«Elordada jyl saıyn 3 mln sharshy metrden astam turǵyn úı salynatynyn, al jylytý maýsymy shamamen 7 aıǵa sozylatynyn eskersek, jylý energııasynyń qýatyn arttyrý qajet. JEO-3 qurylysy – 10 jyl buryn bastalǵan qalanyń uzaq qurylystarynyń biri. Byltyr biz JEO-3 qurylysyn qaıta bastadyq.

Memleket basshysynyń tapsyrmasy boıynsha úkimet nysan qurylysyn qarjylandyrý úshin qarajat bóldi. Búgin aralaý barysynda JEO-3 qurylys-montajdaý jumysymen tanystym.

Merdigerge bıyl JEO-3 qurylysyn aıaqtaýdy tapsyrdym. Kelesi jylytý maýsymynyń basynda (2022 jyldyń kúzi) JEO-3 qýattylyǵy saǵatyna 240 gıgakalorııany quraıdy. Al 2023 jyldyń qańtarynda – saǵatyna 360 gıgakalorııa (440 Gkal/saǵ deıin). JEO qýattylyǵy 6,5 mln sharshy metr turǵyn úıdi jylýmen qamtýǵa múmkindik beredi.

Sondaı-aq, úsh gaz qazandyǵyn jobalaý jumysy júrip jatyr. Olardyń qýattylyǵy saǵatyna 1600 gıgakalorııany quraıdy, bul JEO-3 qýatynan 3,5 eseden asa kóp. Osylaısha gaz qazandyqtary 22 mln sharshy metrden astam turǵyn úıdi qosymsha jylytýǵa múmkindik beredi.

Budan basqa, qoldanystaǵy jylý elektr ortalyqtaryn jańǵyrtý boıynsha jumystar júrgizildi: JEO-1 jáne JEO-2-de sý jylytý qazandyqtary gazǵa aýystyryldy, sol sııaqty qalany gazdandyrý boıynsha jumystar ary qaraı da júrip jatyr», dep jazdy elorda ákimi áleýmettik jelide.

Sońǵy jańalyqtar

Oraz Jandosov jańa qyzmetke taǵaıyndaldy

Taǵaıyndaý • Búgin, 14:10

Aldaǵy kúnderi aýa raıy qandaı bolady

Aýa raıy • Búgin, 11:35

Búgingi valıýta baǵamy

Qarjy • Búgin, 09:32

Elimizdiń birqatar oblysynda úsik júredi

Aýa raıy • Búgin, 09:18

Arǵymaqtar alamany

Aımaqtar • Búgin, 08:42

Azııanyń úzdigi dep tanyldy

Sport • Búgin, 08:40

Uqsas jańalyqtar