«Álemdegi qýaty jaǵynan tórtinshi ıadrolyq qarý arsenalynan bas tartqan jáne óz aýmaǵynda ıadrolyq synaq polıgonyn japqan tuńǵysh memleket retinde, sondaı-aq Ortalyq Azııada ıadrolyq qarýdan azat aımaq qurýdyń bastamashylarynyń biri bola otyryp, Qazaqstan IаQTSSh mátinin ázirleýge belsendi at salysty. Búgin bizdiń elimiz Avstrııanyń tóraǵalyǵymen Sharttyń basqa da qatysýshylarymen birlesip, Venada josparlanǵan IаQTSSh-ǵa qatysýshy-memleketterdiń Birinshi kezdesýine daıyndyq júrgizýde. Osy jumys sheńberinde Qazaqstan Kırıbatımen birlesip ıadrolyq synaqtardan keıin radıasııalyq zalaldanýǵa ushyraǵan halyqty jáne qorshaǵan ortany ońaltý jónindegi sharalardy kózdeıtin IаQTSSh-nyń jaǵymdy mindettemeleri boıynsha jumys qujatyn daıyndady», dep jazylǵan Qazaqstannyń SIM taratqan habarlamada.
IаQTSSh-nyń qabyldanýy álem memleketteriniń ıadrolyq qaýipke qarsy naqty is-qımyl jasaýǵa daıyndyǵyn kórsetetin mańyzdy qadam. Shart Iаdrolyq qarýdy taratpaý týraly sharttyń rejımi (IаQTSh) tóńireginde jáne ony qoldaý maqsatynda ázirlengen.
