Aımaqtar • 23 Qańtar, 2022

Shymkent ákimi eldi meken turǵyndarymen kezdesti

52 ret kórsetildi

Shymkent qalasynyń ákimi Murat Áıtenovtiń qatysýymen Qaınarbulaqtaǵy №106 mektepte aýmaqtaǵy ınfraqurylym júıeleri jumystarynyń barysy talqylandy, dep habarlaıdy Egemen.kz Shymkent qalasy ákimdiginiń baspasóz qyzmetine silteme jasap.

Turǵyn alaptaryn ınfraqurylym júıelerimen qamtýda túbegeıli jáne júıeli jumystar júrgizý josparlanǵan. 18 kóshede asfalt bolsa, 2022 jyly jańa qurylys aýmaǵynda (№125 JOM aýmaǵy) aty joq kóshelerge bıýdjet esebinen asfalt tóseý jumystary ınfraqurylym júıeleriniń qurylysynan keıin júrgizilmek. 2023 jyly jańaqurylys aýmaǵynda aty joq 10 kóshege asfalt tóseý josparda bar. 

2020 jyly Ábilda Bóleshov, Stepnaıa, Qaınarbulaq tas joly kósheleri jaryqtandyryldy.

Bıyl Ábilda Bóleshov kóshesiniń jalǵasy, Taskeshý eldi mekenine qaraı jaryqtandyrylady. 

v

Eldi mekenniń jańaqurylys aýmaǵyna (№83 mektep janyna) «Ksell» kompanııasynyń bazalyq stansııasy ornatyldy. Jeke ınvestor tarapynan sapaly ınternetpen qamtý jumystary 2022 jyldyń III toqsanynda aıaqtalady dep kútilýde. 

Eldi mekende bir mádenıet úıi jóndeýdi qajet etse, 5 sport alańsha paıdalanýǵa berilgen. 

Qala ákimi kezdesýde eldi mekenderde ár salalyq baǵyt boıynsha jumystardy baıandap, árbir saýalǵa jeke-jeke jaýap berdi.  Osyndaı kezdesýlerdiń  halyq qajettiligin tıimdi sheshýde mańyzdy  ekenin atap ótken M. Áıtenov ótinishter men saýaldar boıynsha aýdan ákimi men sala jetekshilerine naqty tapsyrmalar berdi.

Sońǵy jańalyqtar

Uqsas jańalyqtar