Vırýs juqtyrý azaımaı tur

Koronavırýstyń grek alfavıtiniń «Omıkron» árpimen belgilenetin B.1.1.529 shtamy 2021 jyly Afrıkanyń ońtústiginen tabyldy. Sońǵy málimetterge zer salsaq, Reseıde bul shtamdy 1 682 adam juqtyrǵan. Jańa ınfeksııamen kúresý jónindegi federaldy jedel shtabtyń sońǵy statıstıkasy boıynsha Reseıde ınfeksııanyń jańa jaǵdaılary arasynda koronavırýstyń «Delta» shtamynyń úlesi bir kún buryn 52,3%-ǵa deıin tómendedi. «Omıkron» men basqa shtamdardyń úlesi 47,7%-ǵa deıin ósti. «Omıkron» eldiń 52 óńirinde tirkelgen.

О́tken táýlikte Reseıde koronavırýs ınfeksııasyn juqtyrǵan 49 513 naýqas tirkelip, 9 136 adam aýrýhanaǵa jatqyzyldy, dep habarlaıdy Covid-19 taralýyna jol bermeý jónindegi vedom­stvoaralyq komıssııa. Naýqastar, ásirese Más­keýde kóp anyqtaldy. El astanasynda 15 987 naý­qas tirkelgen, Sankt-Peterbýrgte – 5 922 jáne Más­keý oblysynda 4 424 jaǵdaı anyqtalǵan. Koro­na­vırýs saldarynan 692 naýqas qaıtys bolǵan.

Juqpaly aýrýlar boıynsha maman Evgenıı Tıma­kov Reseıde COVID-19 vırýsyn juqtyrý aqpan aıynyń ortasynda órshıdi dep málimdedi. Más­keýde ol sál erterek bolýy múmkin ekenin de es­kertti. Sebebi «Omıkron» shtamynyń ınkýba­sııa­lyq kezeńi eki-úsh kún, eń kóbi jeti kún, deıdi ma­man.

Sondyqtan kóptegen el karantın sharalaryn kúsheıtýge kóshti. Máselen, Italııa úkimeti el turǵyndary grın-passasyz, ıaǵnı jasyl pasportsyz tek dárihanalarǵa, azyq-túlik dúkenderine jáne úı janýarlaryna arnalǵan dúkenderge bara alady dep málimdedi. Al 1 aqpannan bastap bank bólimshelerine, poshta men memlekettik mekemeler keńselerine barý úshin koronavırýs anyqtalmaǵanyn rastaıtyn test nátıjesi qajet bolady. Sonymen qatar aqpan aıynan bastap 50 jastan asqan adamdarǵa vaksına alý mindetteledi.

Aýstrııanyń Ulttyq keńesi de mindetti vaksınalaý týraly zań qabyldady. Osylaısha, Aýstrııa – Eýropa odaǵynda koronavırýsqa qarsy ekpe mindetti sanalatyn alǵashqy el bolmaq. Qabyldanǵan qujattyń 2024 jylǵy 31 qańtaryna deıin zańdyq kúshi bar. Atalǵan zańǵa sáıkes, naý­ryz aıynan bastap ekpe saldyrmaǵan azamattar 600 eýro kóleminde aıyppul tóleıdi.

Halyqty ekpe saldyrýǵa yntalandyrý úshin bılik vaksına alǵandar arasynda syılyqtar utysyn oınatýdy josparlap otyr. Lotereıanyń árbir onynshy qatysýshysy 500 eýro kólemindegi aqshalaı kýpon utyp ala alady.

Reseılik «DNKOM» molekýlalyq-genetıkalyq zertteýler ǵylymı ortalyǵynyń negizin qalaýshy jáne bas dırektory Andreı Isaev korona­vı­rýs­tyń «Delta» shtamyn juqtyrǵannan keıin organızmde qalyptasqan antıdeneler «Omıkronnan» qor­ǵaıdy, alaıda bul prosess álsiz degen tu­jy­rym aıtady.

«О́kinishke qaraı, zertteý nátıjesi «Omıkron» juqtyrǵannan keıin qalyptasatyn ımmýnıtet basqa shtamdardan qorǵaýda álsiz ekenin dáleldedi. «Deltadan» keıin paıda bolatyn antıdene «Omıkronnan» azdap bolsyn qorǵaıdy, al «Omıkronnan» keıin túzilgen antıdene «Deltaǵa» qarsy óte álsiz», dep atap ótti sarapshy.

Koronavırýspen kúres jolynda ár el ózinshe tásil taýyp jatyr. Máselen, Belgııa Koroldigi «koronavırýs barometrin» engizetinin habarlady. Bul «barometr» úsh tústen turady – qyzyl, sary jáne qyzǵylt sary. Sary epıdemııalyq jaǵ­daıdyń baqylaýda ekenin, qyzǵylt sary epı­demııalyq jaǵdaıdyń nasharlaǵanyn, qy­zyl densaýlyq saqtaý salasynda jumys aýyrt­pa­lyǵynyń artý qaýpin bildiredi.

Belgııa premer-mınıstri Aleksandr De Kroo bul epıdemııalyq jaǵdaıdy baqylaýda ustaý úshin tıimdi tásil deıdi.