Elorda • 24 Qańtar, 2022

Elordadaǵy JEO-3 bıyl iske qosylady

112 ret kórsetildi

Bul týraly elorda ákimi Altaı Kólginov ınstagram paraqshasynda jazdy, dep habarlaıdy Egemen.kz.

«Elordada jyl saıyn 3 mln sharshy metrden astam turǵyn úı salynatynyn, al jylytý maýsymy shamamen 7 aıǵa sozylatynyn eskersek, jylý energııasynyń qýatyn arttyrý qajet.

JEO-3 qurylysy 10 jyl buryn bastalǵan qalanyń uzaq qurylystarynyń biri. Byltyr biz JEO-3 qurylysyn qaıta bastadyq. Memleket basshysynyń tapsyrmasy boıynsha Úkimet nysan qurylysyn qarjylandyrý úshin qarajat bóldi», dep jazdy A.Kólginov.

Onyń aıtýynsha, merdigerge bıyl JEO-3 qurylysyn aıaqtaý tapsyryldy. «Kelesi jylytý maýsymynyń basynda (2022 jyldyń kúzi) onyń qýattylyǵy saǵatyna 240 gıgakalorııany quraıtyn bolady.

Al 2023 jyldyń qańtarynda – saǵatyna 360 gıgakalorııa (440 Gkal/saǵ deıin). JEO-3 qýattylyǵy 6,5 mln sharshy metr turǵyn úıdi jylýmen qamtýǵa múmkindik beredi», dedi qala ákimi.

Sondaı-aq elordada úsh gaz qazandyǵyn jobalaý jumysy júrip jatyr. Olardyń qýattylyǵy saǵatyna 1600 gıgakalorııany quraıdy, bul JEO-3 qýatynan 3,5 eseden asa kóp.

Osylaısha gaz qazandyqtary 22 mln sharshy metrden astam turǵyn úıdi qosymsha jylytýǵa múmkindik beredi. Budan basqa, qoldanystaǵy jylý elektr ortalyqtaryn jańǵyrtý boıynsha jumystar júrgizildi: JEO-1 jáne JEO-2-de sý jylytý qazandyqtary gazǵa aýystyryldy.



 

Sońǵy jańalyqtar

Dollar 10 teńgege qymbattady

Qarjy • Búgin, 16:23

Referendýmǵa latvııalyq baqylaýshylar keledi

Referendým-2022 • Búgin, 15:25

Saıajaıdan esirtki zerthanasy tabyldy

Aımaqtar • Búgin, 13:07

Uqsas jańalyqtar