Elimizde EAEO elderiniń kelisimi aıasynda taýarlardy mindetti sıfrly tańbalaýdy engizý boıynsha joba iske asyrylyp jatqany belgili. «Qazaqtelekom» AQ Qazaqstanda tańbalaýdyń biryńǵaı operatory bolyp sanalady. Eki ólshemdi Data Matrix kodyn ónimniń qaptamasyna qoldaný belgili bir jaǵdaılarda óndiris jelisin tehnıkalyq jańartýdy qamtıdy. Ekonomıkanyń túrli sektorlary úshin aqparattyq tehnologııalar salasynda da, mashına jasaý jáne robottehnıka salasynda da mamandardyń keń spektrin daıyndaıtyn Satbayev University avtomatıka jáne aqparattyq tehnologııalar ınstıtýtynyń múmkindikteri ýnıversıtet bazasynda mamandandyrylǵan R&D zerthanalaryn qurýǵa múmkindik beredi. Olar tańbalaý kodtaryn ornatý prosesterin avtomattandyrý úshin tehnologııalardy jáne tipti keshendi sheshimderdi ázirleýge, sondaı-aq ónimderdi jelide agregattaý jáne robottandyrýǵa belsendi qatysa alady.
«Memleket basshysy ǵylym men bıznestiń ózara is-qımylynyń mańyzdylyǵy týraly birneshe ret aıtqan bolatyn, bul ınnovasııalardy engizý úshin jańa múmkindikter ashýǵa múmkindik beredi. Qazirgi ýaqytta naryqta taýarlardyń tańbalanýyn qamtamasyz etetin daıyn jabdyqtar men aqparattyq júıeler bar. Alaıda tájirıbe kórsetkendeı, barlyq parametrler boıynsha birdeı eki óndiristik jeli joq, sondyqtan daıyn sheshimderdi de beıimdeý qajet, al eger tańbalaý prosesterin ǵana emes, jalpy óndiris tıimdiligin edáýir arttyratyn robottandyrý sııaqty tehnologııalar týraly aıtatyn bolsaq, onda munda jumys óte kóp dep aıtýǵa bolady. Biz Belarýstegi áriptesterimizdiń tájirıbesimen tanystyq, onda tehnıkalyq ýnıversıtetter kásiporyndarǵa tańbalanǵan ónimdi óndirý prosesterin tıimdi avtomattandyrýǵa jáne robottandyrýǵa belsendi túrde kómektesedi» dep atap ótti Sıfrlyq ekonomıkany damytý ortalyǵynyń bas dırektory Bıkesh Qurmanǵalıeva.
О́z kezeginde, biryńǵaı operator ınstıtýt qyzmetkerlerin tańbalaýdyń barlyq prosesteri boıynsha oqytý jáne aqparattandyrý boıynsha kómek kórsetýge, erekshelikti eskere otyryp, barlyq taýar toptary boıynsha jobalardy iske asyrý úshin mindetterdi qoıýǵa kómektesýge daıyn.
Satbayev University rektory Meıram Begentaev jumys istep turǵan zerthanalar bazasynda óndiristerde avtomattandyrylǵan tehnologııalardy damytý boıynsha máseleni belsendi pysyqtaýǵa jáne qajet bolǵan jaǵdaıda jańalaryn qurýǵa daıyndyǵyn bildirdi. Kezdesýde ol áriptesterine olardyń tájirıbesimen egjeı-tegjeıli tanysý jáne yntymaqtastyq joldaryn damytý úshin Brest tehnıkalyq ýnıversıtetine barýdy tapsyrdy.
Avtomatıka jáne aqparattyq tehnologııalar ınstıtýtynyń basshysy Raısa О́skenbaeva Sıfrlyq ekonomıkany damytý ortalyǵynyń qyzmetkerlerin qoldanystaǵy zerthanalarmen jáne aǵymdaǵy R&D jobalarymen tanystyrdy.
«Biz tańbalaýdyń biryńǵaı operatory retinde ýnıversıtetterdi tańbalaý jobalaryna tartýǵa úlken úmit artamyz. Sebebi tańbalaý jobasy tańbalanǵan taýarlardy otandyq óndirýshilerdiń, býyp-túıý óndiretin kásiporyndardyń, sondaı-aq logıstıkalyq kompanııalardyń óndiristik prosesterin sıfrlandyrýǵa naqty serpin beredi», dep túıindedi Bıkesh Qurmanǵalıeva.
