Bilim • 25 Qańtar, 2022

Test pen túlekter «teketiresi»

68 ret kórsetildi

Qaraǵandy oblysynda qysqy UBT 25 qańtar men 22 aqpan aralyǵynda Qaraǵandy, Balqash jáne Jezqazǵan qalalarynda ótedi. Mamandar testileýdiń barlyq sanıtarlyq-epıdemııalyq sharalardy saqtaı otyryp uıymdastyrylatynyn aıtyp otyr.

Máselen, koronavırýs ın­feksııasynyń taralý qaý­pin azaıtý úshin testileý pýnkt­terinde túlekter mindetti túrde maska taǵýy kerek. Termometrııa da júzege asyrylady. Sonymen qatar test synaǵyn ótkizýge jaýapty mamandar barlyq pýnkt­terdiń sanıtaızerlermen, shek­teý lentalarymen, dezın­fek­sııalaý kilemshelerimen jab­dyqtalǵanyn aıtady. Árbir aýdıtorııada paıdalanylǵan maskalarǵa arnalǵan qoqys jáshikteri, resırkýlıatorlar jáne bakterısıdti shamdar ornatylǵan.

Ulttyq testileý ortalyǵy Qa­ra­ǵandy fılıalynyń basshysy Dınara Baımaǵambetova 2021 jyldan bastap UBT «bir kompıýter – bir kamera – bir test tapsyrýshy» qaǵıdaty boıynsha elektrondy for­matta ótkizile bastaǵanyn taǵy bir márte eske saldy.

Bıyl testileý synaǵynda oblys boıynsha 5 myńǵa jýyq talapker baq synap kórmek. Tirkelý kezinde túlekterge UBT tapsyrý kúnin, ýaqytyn jáne ornyn ózderiniń tańdaýyna quqyq berilgen.

Dınara Baımaǵambetova testileý kezinde UBT ótkizý pýnk­tiniń aýmaǵynda ata-analardyń, muǵalimderdiń jáne basqa da adam­dardyń bolýyna jol beril­meıtinin aıtady.

– Aýdıtorııalarǵa test tapsyrýshylardy qashyqtyqty saqtaı otyryp, barrıkadalyq taspalar arqyly kezek-kezekpen ótkizedi. Túlekter bir-birinen keminde bir metr qashyqtyqta otyrǵyzylady. Árbir testi­lený­shiniń or­ganıkalyq shynymen qor­shal­ǵan óz orny bolady, – deıdi ol.

Jalpy, test synaǵynda túlek­terge 120 suraq beriledi. Úmit­ker árbir pán boıynsha kemin­de bes ball jınaýy tıis. Olardyń durys jaýap­tary 140 ball bolyp esepteledi. Iаǵ­nı mamandandyrylǵan pán­derde keıbir suraqtar 0-den 2 ballǵa deıin, al qalǵan suraqtar bir ballmen baǵalanady.

Bilim berý grantyn berý jónin­­degi konkýrsqa qatysý úshin nemese aqyly negizde oqýǵa qabyl­daný úshin túlekterge qajetti shekti baldar belgilengen. My­saly, «Pedagogıkalyq ǵy­lym­dar» úshin keminde 75 ball bolýy kerek. «Densaýlyq saqtaý jáne áleýmettik qamtamasyz etý (medı­sına)» salasyna tyrnaq ilik­tirýge keminde 65 ball kerek. «Aýyl sharýashylyǵy jáne bıoresýrstar» jáne «Veterınarııa» mamandyqtaryn tańdaǵandarǵa keminde 60 ball jınaǵany jón. Al ulttyq joǵary oqý oryndaryna, sondaı-aq basqa joǵary oqý oryndarynyń stýdenti atalýy úshin túlekter, sáıkesinshe, keminde 65 ball jáne 50 ball alýy kerek.

 

Qaraǵandy oblysy

Sońǵy jańalyqtar

Jem-shóp daqyldarynyń alqaby uǵaıtyldy

Qazaqstan • Búgin, 12:30

Brent markaly munaı baǵasy ósti

Ekonomıka • Búgin, 09:19

Almatydaǵy alyp mýral

Aımaqtar • Búgin, 09:15

Seısenbige arnalǵan aýa raıy boljamy

Aýa raıy • Búgin, 09:09

Týrnırdiń shırek fınalyna shyqty

Tennıs • Búgin, 09:07

Fransııadan da jeńildi

Hokkeı • Búgin, 09:05

«Astana opera» – álem nazarynda

Teatr • Búgin, 09:00

Uqsas jańalyqtar