Bul matchta birneshe qyzyqty oqıǵa tirkeldi.
Alǵashqy týrda Qazaqstan quramasy sońǵy mınýttarda tarazy basyn teńestirip, Slovenııa quramasymen 4:4 oınaǵan bolatyn. Bir upaıdan keıin jankúıerler pleı-offqa shyǵýdyń qıyndap ketkenin jaqsy túsindi. Alaıda, sol matchtan soń Italııa men Fınlıandııa komandalary kezdesip, olar da jeńimpazdy anyqtaı almady. Sonyń saldarynan toptaǵy jaǵdaı birinshi týrdan soń birkelki boldy.
Al ekinshi týrda Italııa men Slovenııa komandalary kezdesti. Bul oıynnyń esebi týrnırlik kestege qatty áser etetin. Favorıt Italııa quramasy bolǵanymen match taǵy da teń aıaqtaldy. Osydan soń Italııa men Slovenııada 2 upaıdan boldy. Bul Qazaqstan men Fınlıandııa úshin óte tamasha edi. Qaısysy jeńse týrnırlik kestede birinshi orynǵa shyǵatynyn alańǵa bilip shyqty.
Matchtyń bastapqy bóliginde Fınlıandııa quramasy shıraq qımyldady. Birinshi bolyp esepti de solar ashty. Biraq, Birjan Orazovtyń golynan keıin esep teńesti. Keıinnen Fınlıandııa qurmasa taǵy bir gol salyp, qorǵanystyń qateligin paıdalanyp ketti. Biraq, qaqpashymyz Igıta ortaǵa shyǵyp, aýyr soqqy jasady. Esep 2:2 bolyp qaıta teństi. Sosyn, Birjan Orazovtyń ǵalamat pasynan keıin Arnold Knaýb Qazaqstan quramasyn alǵa shyǵardy. Bul osy matchta birinshi márte bolǵan oqıǵa bolatyn. Shabyttanǵan Qazaqstan quramasy goldy arty artynan salyp, Fınlıandııa quramasynyń apshysyn qýyrdy. «Sýomı» fýtzalshylarynyń salysy sýǵa ketip, bastary tómen salbyrady.
Birjan Orazov Azat Valıýlınniń pasynan keıin ádemi gol salyp, dýbl avtory atandy. Sosyn Arnold Knaýb Edsonnyń pasynan keıin esepti 5:2 qyldy. Al matchtyń núktesin Azat Valıýllın qoıdy. Ol Dýglastyń baspen bergen pasyn qaqpaǵa toǵytty.
Qazaqstan quramasynda endi 4 upaı. 28 qańtar kúni saǵat 22-30-da Italııa quramasyna qarsy oınaımyz.
Fınlıandııa – Qazaqstan – 2:6 (1:1)
Goldar: Hosıo 13 (1:0), Orazov 18 (1:1), Korpela 24 (2:1), Igıta 25 (2:2), Knaýb 29 (2:3), Orazov 32 (2:4), Knaýb 34 (2:5), Valıýllın 40 (2:6)
Eskertýler: Iý.Kıýtelıa 19, Korpela 20 – Edson 20
Fınlıandııa: Koıvýmıakı, Savolıaınen – Aýtıo (K), Iý.Kıýtelıa, Hosıo, Allamıkkotervo, Pıkkaraınen, Iýrkııaınen, Iýnno, Korsýnov, Lıntýla, Korpela, Peılıe, Vanha
Bas bapker: Mıcho Martıch (Horvatııa)
Qazaqstan: Igıta (K), Atantaev – Taınan, Tursaǵýlov, Dýglas, Orazov, Qaraǵulov, Edson, Valıýllın, Knaýb, Toqaev, Saǵyndyqov
Bas bapker: Kaka (Brazılııa)
Tóreshiler: Kovach (Vengrııa), Kadykov (Reseı)
24 qańtar 2022 jyl. Gronıngen (Nıderland). «Martını Plaza»
