«Halyqaralyq tájirıbeni eskere otyryp, eldegi kúrdeli epıdemıologııalyq jaǵdaıǵa qaramastan Bilim jáne ǵylym mınıstrligi men IýNISEF-tiń usynymy boıynsha bilim berý uıymdaryndaǵy oqytý formaty qaıta qaraldy», dedi Ajar Ǵınııat.
Mınıstrdiń aıtýynsha, barlyq mektepke deıingi uıymdar, bastaýysh synyp oqýshylary men 600 oqýshyǵa deıingi mektepter shtattyq formatta oqıdy.
Synyptyń tolymdylyǵy 50%-dan aspaýy tıis. Sonymen qatar oqytý formatyn tańdaý kezinde vaksınasııamen qamtylý deńgeıi eskeriledi. Joǵary oqý oryndary men kolledjderde de saralanǵan tásil engizilmek, dárister onlaın formatta, al praktıkalyq sabaqtar ıkemdi keste boıynsha shtattyq rejımde ótkiziledi.
«Sonymen qatar balalar arasynda JRVI jáne KVI aýrýlary 1,3 esege artqanyn eskere otyryp, sanepıdqadaǵalaý organdary karantındik sharalardyń oryndalýyna monıtorıng júrgizýdi jalǵastyratynyn jáne buzýshylyqtar anyqtalǵan jaǵdaıda oqytý onlaın formatqa aýysatynyn atap ótken jón», dedi mınıstr Ajar Ǵınııat.
