«Biz únemi epıdemıologııalyq jaǵdaıdy únemi baqylaýda ustap, zertteýler júrgizip otyramyz. Sońǵy boljam boıynsha indet aqpan aıynyń ortasynda sharyqtaý shegine jetedi», dedi Aıjan Esmaǵambetova.
Sonymen qatar ol koronavırýs ınfeksııasynyń Omıkron nusqasynyń aınalymy men taralýynan týyndaǵan aýrý ósýi álemniń barlyq elinde baıqalyp otyrǵanyn jetkizdi.
«Jyl basynan beri respýblıkada 178 myńnan astam adam koronavırýs ınfeksııasymen aýyrdy. Pandemııanyń búkil kezeńimen salystyrǵanda alǵash ret jaǵdaıdyń táýliktik tirekelýi 16 myńnan asty. Bul Omıkronnyń óte joǵary juqpalyǵyna jáne taralý jyldamdyǵyna baılanysty. Búgingi tańda Túrkistan oblysynan basqa búkil el «qyzyl» aımaqta ornalasqan. Respýblıka boıynsha sońǵy aptada KVI syrqattaný deńgeıi 1,5 ese ósti. Qańtar aıynda jeltoqsanmen salystyrǵanda syrqattanýshylyq 11 esege ósti», dedi komıtet tóraıymy.
