Mine, danyshpan Volterdiń músini. Uly fılosof beınesin dál jetkizgen eń jaqsy týyndy esebinde kóńildi elitedi. Volter ýaqyty taıaǵanyn sezse kerek, músinshiniń keıipkeri bolýǵa kelisedi. Ol kezde aqyl alyby 84 jasta edi. Mármár músin avtordyń kıim men teriniń kúrdeli tekstýrasyn sheber jetkize bilýimen ǵana emes, fılosoftyń jigerli minezi men ótkir oıyna dóp túsý qabiletimen de erekshe.
Gýdon oıshyldyń músinin 1781 jyly aıaqtady. II Ekaterınanyń tapsyrysymen
2 jyldan keıin týyndy Reseıge jetkiziledi.
Avtor oıshyldar kóne zamannan kele jatqan qubylys dep túısinedi. Sondyqtan Volterdi antıkvarlyq stıldegi kıimmen beınelegendi durys kórdi. Osylaısha, bógde fılosofııalyq beıneni jasaýdy uıǵardy. Kıimniń tereń qatparlarynyń astynda qart adamnyń aryqtyǵy jasyrylady, soǵan qaramastan onyń fıgýrasy symbatty jáne shynaıy áspettelgen.
Gýdonnyń jumsaq, jyltyr matany jasaý tásili kórermendi eriksiz tańdandyrdy. Kárilik tipti uly adamdardy da aıamaıdy, sondyqtan Volterdiń salbyraǵan júzi men jińishke moıyny tereń ájimderge toly boldy. Bul – sol ǵasyrdyń ájimi edi. Onyń áljýaz qoldary ózi otyrǵan oryndyqtyń oıylǵan tustaryn ustaıdy. Keıipkerdiń kárilik meńdegen keıpi aýyr da muńly.
Oqyrman alystan qaraǵanda oıshyl sharshaǵandaı áser qaldyrady, al negizinde ol óz oıynan uzaı almaı otyr. Syrtqy kórinisten fızıkalyq káriliktiń mánerligi men álsizdigin baıqaýǵa bolady. Volter ómiriniń sońǵy kúnine deıin jas jigitke tán taza kózqaras pen baısaldylyǵyn saqtap qaldy.
Joǵaryda aıtqandaı, músinshi Gýdon barlyq týyndysyna tán sıpat bul shyǵarmasynda da bar. Ol uly danyshpannyń psıhologııalyq portretiniń tolyq beınesin jasady. Qarańyzshy, jaratylysty tabıǵı etý úshin avtor ózi jumys istegen keskishtiń izin tegisteýge tyryspaǵan.
