«Ońtústik óńirlerdiń tutynýshylaryn elektrmen jabdyqtaýdy buzýǵa ákep soqqan KEGOC AQ elektr jelilerinde tehnologııalyq buzýshylyqtyń paıda bolý men damý sebepterin obektıvti jáne jan-jaqty anyqtaý maqsatynda Energetıka vıse-mınıstriniń basshylyǵymen arnaıy komıssııa quryldy», delingen habarlamada.
Tergeý nátıjeleri boıynsha bolashaqta osyndaı tehnologııalyq buzýshylyqtarǵa jol bermeý, sondaı-aq Qazaqstannyń biryńǵaı elektr energetıkalyq júıesiniń jumys isteý senimdiligin arttyrý maqsatynda uıymdastyrýshylyq jáne tehnıkalyq is-sharalar ázirlenetin bolady.
Eske sala ketsek. 25 qańtarda Almaty, Jambyl, Túrkistan, Qyzylorda oblystary men Almaty, Shymkent qalalarynda elektr energııasy apatty jaǵdaıda ajyratyldy. Sol kúni saǵat 16:00-de Qazaqstannyń ońtústik aımaǵynyń barlyq óńirleriniń tutynýshylaryna elektr energııasyn berý qalpyna keltirildi.
