Týrızm • 27 Qańtar, 2022

Lývrdy tamashalaýshylar legi az

164 ret kórsetildi

Jahandy janalqymynan alyp turǵan planetalyq pandemııa áli de qaıtar emes. Daýasyz derttiń salqyny óner salasynda ábden tyǵyryqqa tirep bitti... Emin-erkin, qanatyn keńge jaıǵan shabyt qusy temir tordyń ar jaǵyndaǵy shashasyz tutqyndaı shaldyǵa kúı keship jatqandaı...

Jer betindegi barlyq mýzeı, kitap­hana, teatr zaldary, bári-bári burynǵy qamsyz tirshiliginen jańylyp, ja­byl­ǵan esikter áli de emin-erkin aıqara ashyla almaı tur. Ol esikterdiń ishinde Fransııadaǵy ataqty murajaılardyń da qymbat qaqpalary bar.

Dál derekterge súıensek, ataqty Lývrdy byltyr nebári 2,8 mıllıon adam ǵana aralaı alypty. Bul kórsetkish, atal­ǵan murajaıdyń pandemııaǵa deıingi kelýshiler sanynyń 30 paıyzy ǵana eken. Eger dúnıe burynǵy qalpynda bolar bolsa, Lývr tabaldyryǵyn jylyna 10 mıllıon adamǵa deıin tozdyratyn edi.  Bul murajaıdyń 1986 jyldan bergi eń tómen kórsetkishi bolsa kerek.

Resmı derekkózderge sensek, pan­demııa­nyń ekinshi jylynda fransýz murajaılaryna kelýshilerdiń jalpy sany kovıdke deıingi deńgeıden 60-70% tómen bolǵanyn aıtady.

Lývrdy tamashalaýshylardyń alpys paıyzy jergilikti turǵyndar, jalpylaı alǵanda fransýzdardyń ózderi delinedi. AQSh pen Germanııadan kelýshiler mu­ra­jaı qonaqtarynyń nebári 6 paıyzyn quraıdy. Anglııa halqynyń 2 paıyzy ǵana bıyl Djokondany tamashalaǵan sııaqty. Eń ókinishtisi, bıyldyqqa Azııa­dan birde-bir adam Lývrǵa at shal­dyr­ma­ǵan. Kóńilsizdeý kórsetkishter solaı deıdi...

Pandemııaǵa deıin Lývrǵa kelýshi amerıkalyqtardyń úles salmaǵy 20 pa­ıyz bolsa, ekinshi orynda qytaılyqtar bolǵan.

Sońǵy eki jyl ishinde úkimettiń buı­ry­ǵymen fransýz murajaılary, jalpy alǵanda bir jylǵa jýyq jabylǵan eken. Osy ýaqyt ishinde memleket olarǵa qarjylaı qoldaý kórsetip otyrǵan.

Jalpy, Lývrdyń 2021 jylǵy tabysy 2019 jylmen salystyrǵanda 80 mıllıon eýroǵa azaıdy.

Sońǵy jańalyqtar

Dollar baǵamy ósti

Qarjy • Keshe

Uqsas jańalyqtar