Kartınanyń aty – «Amerıkalyq gotıka». Kompozısııanyń keıipkerleri – aǵashtan soǵylǵan qarapaıym úıdiń aldynda turǵan fermer men onyń qyzy. Baqsańyz, artqy fondaǵy ǵımarat gotıkalyq stılde jazylǵan. Dıqannyń aıyryn qolyna myqtap túıgenin kóremiz. Bul jumys quraly emes, qarýdyń erekshe túri sekildi. Bir ashýdyń lebi esedi.
Sýretshi fermerlerdiń tolyqtaı tartymsyzdyǵyn jetkizgen. Erinderin qatty qysyp alyp, oqty kózderimen ashýyn bildirip tur. Bul saıası júıege degen kóńil tolmaýshylyqtan bolýy múmkin. Janarlarynan tereń renish pen shynaıy ókpeni oqýǵa bolady.
Fermer qyzynyń ústinen eskirgen aljapqyshty kóremiz. Onyń bet-álpeti jigerli bolǵanymen kómekke zárý janǵa uqsaıdy. Ákesiniń áreketin tolyq qoldaýǵa tyrysyp tur. Qyzyǵy sol, sharýalar kıiminen qolyndaǵy aıyrdyń kontýryna uqsaıtyn tigisterdi kóre alasyz. Sol kontýrlar onyń úıiniń terezelerinde de qaıtalanady.
Jalpy, keneptegi kompozısııa XIX ǵasyrdaǵy amerıkalyq fotosýret stılinde jyzylǵan. Keıipkerler naǵyz pýrıtandyqtar sııaqty óte ustamdy. Avtordyń ápkesi fermer qyzyna prototıp boldy. Artqy plan men aldyńǵy plan eki sýrettiń qosyndysy sekildi kórinedi. Bul kartınadaǵy kórinis eshqashan bolmaǵan.
Qylqalam sheberi bir kúni eshkimge uqsamaıtyn kishkentaı úıdi kóredi. Oǵan qatty qyzyqqany sonshalyq ǵımaratty beınelep qana qoımaı, onda kim ómir súretinin elestetedi. Sýretshi sol kezdegi barlyq amerıkalyq sharýanyń portretin jazǵysy keldi. Synshylar avtordyń aýyldaǵy eń qarapaıym beıneni jazǵanyna rıza boldy. Ony jasampazdyqtyń myzǵymas rýhymen baılanystyrdy.
Al bizge bul shyǵarma aıyryn qolyna ustap malyna shóp izdegen qazaq sharýalarynyń jaı-kúıin kóz aldymyzǵa ákelgendeı boldy. Aýyldyń turmysy túzelmeı eldiń ál-aýqaty artpaıdy.
