Álem • 28 Qańtar, 2022

Qyrǵyzstanmen shekaradaǵy qaqtyǵys: 10 tájikstandyq zardap shekti, ekeýi qaza tapty

472 ret kórsetildi

Qyrǵyzstan men Tájikstan shekarasyndaǵy shekara qaqtyǵysynyń nátıjesinde tájik tarapynan 10 adam jaraqat aldy, onyń ishinde 6 áskerı qyzmetshi bolsa 4-eýi beıbit turǵyndar, dep habarlaıdy Egemen.kz Hovarǵa silteme jasap.

1986 jyly týǵan Hodjaı Alo aýylynyń turǵyny Týıchıev Obıddjon aýlasynda qyrǵyz áskerı qyzmetshileri atqan mınomet snarıadynyń jarylýy saldarynan qaza tapty, sondaı-aq 1964 jyly týǵan, Isfara qalasy aýrýhanasynyń alǵashqy medısınalyq kómek bóliminiń júrgizýshisi Sháripov Abdýlatıf Rabıevıch, Hodjaı Alo aýylynyń beıbit turǵyndaryn qyrǵyz tarapynan mınomettiń jarylýynan qutqarý kezinde qaza tapty.

2022 jylǵy 28 qańtarda saǵat 01:00-de Isfara qalasy Sýrh aýyldyq okrýginiń aýmaǵynda Tájikstan men Qyrǵyzstannyń quzyretti organdarynyń jumys tobynyń kezdesýi ótti. Taraptar qarýly shekara qaqtyǵysyn qarap, talqylaǵannan keıin barlyq qosymsha kúshter men tehnıka Memlekettik shekara syzyǵynan turaqty ornalasqan jerge qaıtyp oralýy úshin 2022 jylǵy 28 qańtar saǵat 08:00-ge deıin atysty toqtatýdy jarııalaý týraly kelisimge keldi.

Qazirgi ýaqytta Tájikstan men Qyrǵyzstannyń memlekettik shekarasyndaǵy jaǵdaı turaqty, eki taraptyń tıisti qurylymdarynyń birlesken komıssııasy shekaralyq qaqtyǵystyń sebepteri men faktorlaryn zerttep jatyr. 

Sońǵy jańalyqtar

Uqsas jańalyqtar