Qala ákimi kezdesý barysynda ondaǵy ózekti máselelerdi birge talqylap, sheshý joldaryn qarastyrdy. Oryndalýy boıynsha hattamalyq tapsyrmalar berdi.
Bul eldi meken shaǵyn aýdan jáne saıajaı bolyp bólinedi. Bozaryq shaǵyn aýdanynda 16 myńnan astam turǵyn bar.
Atalǵan eldi mekender sapaly elektr jaryǵymen tolyǵymen qamtylǵan bolsa, aýyz sýmen 97 paıyz, kógildir otynmen 88 paıyz qamtylǵan. Qalǵan úılerdi tolyǵymen qamtý úshin bıyl JSQ-sy ázirlenýde.
Turǵyndar qala basshysyna kóshelerge ırrıgasııalyq aryq ornatý, asfalt tóseý, jer telimderin zańdastyrý jáne ınternet sapasyn arttyrý syndy máselelerin jetkizdi.
Qala basshysy ınternet sapasyn jaqsartý boıynsha sıfrlandyrý basqarmasyna zerdeleý jumystaryn júrgizýdi, aýdan ákimine «Usta-Muhammed» kóshesine ırrıgasııalyq aryqty osy jyly ornatýdy tapsyrdy. Al jerdi zańdastyrýdyń zań aıasynda sheshiletinin aıtty.
