Fight Hub-qa bergen suhbatynda Saýl Alvarestiń bapkeri Eddı Reınoso bul shaıqastyń endigári orta salmaq dárejesinde ótpeıtinin, tek qana ekinshi orta salmaqta uıymdastyrylýy tıis ekenin jetkizdi. Ol meksıkalyq boksshynyń orta salmaqqa múlde oralmaıtynyn da tiline tıek etti.
«Mamyr jáne qyrkúıek aılarynda qandaı jaǵdaı oryn alatynyn ýaqyt kórsetedi. Bir anyǵy, jaqynda Golovkınniń ózi «Kaneloǵa» qarsy úshinshi ret rıngke kóterilgisi keletinin jetkizdi. Sondyqtan trılogııany ótkizýge biz de qarsy emespiz. Alaıda shaıqas tek ekinshi orta salmaqta uıymdastyrylady. Saýl endi orta salmaqqa oralmaıdy. Biz ózimizge kerekti shaıqastardy uıymdastyra alatyn promoýterlermen ǵana jumys isteımiz», deıdi ol.
