Bıznes, úkimettik emes sektor ókilderiniń qatysýymen jastardy kásipkerlik qyzmetine tartý jóninde túrli suraqtary talqylandy.
Pikir almasý barysynda «Sıfrlyq transformasııa» qoǵamdyq qorynyń basshysy Shýjeeva Azıza memlekettiń kómegimen bıznes asha alatyn jastardyń sanyn anyqtaý qajettiligin atap ótti. Onyń pikirinshe, jastar kásipkerligi úshin biryńǵaı ınfraqurylym qurý qajet.
«Atameken» UKP Jappaı kásipkerlik departamentiniń dırektory Shandryga Anastasııa aýyl jastary arasynda kásipkerlikti damytýdaǵy máselelerdi atap ótti. Olardyń ishinde: bastapqy kapıtal, mıkrokredıt alýǵa shekteýli qoljetimdilik, orta arnaýly bilim berýdiń, qarjylyq saýattylyqtyń tómen deńgeıi. Sonymen qatar ol «Bastaý bıznes» baǵdarlamasynyń 5 jylda tabysty bolǵanyn atap ótti, onyń arqasynda jastar, atap aıtqanda, jumyssyz jastar bıznes júrgizý boıynsha bilim men daǵdylardy ıgere alady.
Almaty oblystyq máslıhatynyń depýtaty Dıgaı Damır stýdentterdi «Bastaý bıznes» baǵdarlamasyna qatysý úshin oqytyp, olardy baǵdarlama sanattarynyń biri retinde engizýdi júıelendirý qajettiligin atap ótti.
Kásipkerler Kárimov Shyńǵys pen Shenberg Galına 2019 jyly «Atameken» UKP granttar konkýrsyna jáne «Bastaý bıznes» baǵdarlamasyna qatysý tájirıbesi, sondaı-aq «Bıznestiń jol kartasy» sheńberindegi granttar konkýrsy týraly aıtyp berdi.
Shyńǵys Kárimovtyń pikirinshe, «Atameken» UKP tarapynan óz isin ashýǵa bólingen qarajatty tıimdi iske asyrýǵa baqylaýdy kúsheıtý qajet. Kásipker Shenberg Galına Qazaqstanda óndirilgen taýarlardy jáne jalpy qazaqstandyq brendti tanymal etý jáne ilgeriletý qajettiligi bar dep sanaıdy.
Galınanyń pikirinshe, jas kásipkerler arasynda óz bıznesin damytý strategııasy men josparlaý tájirıbesiniń jetkiliksizdigi, sondaı-aq bilikti mamandardyń bolmaýy jáne halyqty jumyspen qamtý ortalyqtary arqyly kadrlardy irikteý múmkindigi sııaqty problemalar bar.
