Elimizdegi joǵary agrarlyq bilim berý sapasyn álemdik standarttarǵa deıin kóterý, álemdik jetekshi ýnıversıtetterdiń ozyq tájirıbesin jınaqtaý jáne engizý, jańa bilim men tehnologııalardy transfertteý maqsatynda úzdiksiz izdenistegi QazUAZÝ Basqarma tóraǵasy-rektor, QR Ulttyq akademııasynyń vıse-prezıdenti, akademık Tilektes Espolov, «Osyǵan oraı ýnıversıtet óziniń ınnovasııalyq damýynda aýyl sharýashylyǵy mamandyqtary men orman resýrstary boıynsha álemdik QS reıtınginde kóshbasshy ýnıversıtet bolyp tabylatyn Vagenıngen ýnıversıtetiniń (Nıderlandy Koroldigi) ozyq tájirıbesin basshylyqqa alatyndyǵy týraly» atap ótti.
Vagenıngen ǵylymı-zertteý ýnıversıtetiniń (WUR) álemdik deńgeıdegi ýnıversıtet retinde qalyptasýy men damý tájirıbesi ýnıversıtettiń 20 jyl buryn qosylǵan bes ǵylymı-zertteý ınstıtýttarymen sátti ıntegrasııalanýynymen baılanysty bolyp otyr.
Vagenıngen ýnıversıtetinde kásiporyndardy, úkimettik jáne úkimettik emes uıymdardy, ýnıversıtetti qamtıtyn Wageningen Metropolitan Food Clusters jelisi qurylǵan. Bul jelige QazUAZÝ da qosyldy.
Vagenıngen ýnıversıtetine memleket tarapynan úlken qoldaý kórsetiledi, sonyń nátıjesinde álem boıynsha bıznesti ózine tarta alatyn 20-dan astam agroınnovasııalyq klaster ázirlenip engizildi.
Ýnıversıtet ǵalymdarynyń WURmen 20 jyl boıy júıeli júrgizgen birlesken jumysynyń nátıjesinde Qazaqstan Úkimeti delegasııasynyń Nıderlandy Koroldigine sapary barysynda «Qazaq ulttyq agrarlyq ýnıversıteti» KeAQ jáne Vagenıngen ýnıversıteti arasynda ózara yntymaqtastyq týraly Memorandýmǵa qol qoıylǵan bolatyn. Nátıjesinde QazUAZÝ bazasynda Vagenıngen ýnıversıtetimen jumys Instıtýty ashyldy.
Osylaısha QazUAZÝ Vagenıngen ýnıversıtetiniń bilim berý baǵdarlamalaryn engizý boıynsha Nanıan tehnologııalyq ýnıversıtetinen (Sıngapýr) keıin álemdegi ekinshi JOO boldy.
WURǵa sapar aıasynda taraptar QazUAZÝ bazasynda Vagenıngen ýnıversıtetiniń sarapshylarynyń keńesimen Qazaqstanda suranysqa ıe baǵyttar boıynsha «Veterınarııalyq taǵam ónimderiniń qaýipsizdigi jáne tehnologııasy», «О́simdikter týraly ǵylym men tehnologııa» eki bilim berý baǵdarlamasyn ashýǵa kelisim jasaldy.
Bilim berý baǵdarlamalarynyń maqsaty jańa býyn kadrlaryn daıarlaý bolyp tabylady. Ázirlengen «Veterınarııalyq taǵam ónimderiniń qaýipsizdigi jáne tehnologııasy», «О́simdikter týraly ǵylym men tehnologııa» bilim berý baǵdarlamalary QR BǴM Bilim berý baǵdarlamalarynyń resmı tizilimine engizilgen. Bul bilim berý baǵdarlamalary Germanııanyń ACQUIN agenttiginde halyqaralyq akkredıtasııadan ótti jáne olarǵa halyqaralyq akkredıtteý sertıfıkattary berildi.
Nıderlandyq Dutch Fruit Solutions Kazakhstan (DFSK) kompanııasymen birlesip «Agroýnıversıtet» oqý-tájirıbelik sharýashylyǵy bazasynda «Qarqyndy baq» ǵylymı-zertteý ortalyǵy, «Aqyldy jylyjaı»» quryldy, onda stýdentterge agrotehnıkalyq, uıymdastyrý-sharýashylyq is-sharalaryn ótkizýge jáne ǵylymı-zertteý jobalardy júzege asyrýǵa, qorǵaýǵa, sondaı-aq jemis-jıdek ósirý salasyndaǵy zamanaýı ınnovasııalyq tehnologııany praktıka júzinde meńgerýge tolyq múmkindikter jasalǵan.
Búginde Instıtýtta tek qazaqstandyq emes, sheteldik stýdentter de bilim alýda. Stýdentter arasynda BUU damý baǵdarlamasy aıasynda oqýǵa túsken stýdentter de bar.
Oqýdy aıaqtaǵannan keıin túlekter WUR qabyrǵasynda magıstratýrany jalǵastyrýǵa múmkindik beretin Vagenıngen ýnıversıtetiniń sertıfıkaty jáne QazUAZÝ dıplomyn birge alyp shyǵady. Mamandardy daıyndaýdyń mundaı formaty elden shyqpaı-aq aǵylshyn tilinde sapaly joǵary bilim alýǵa múmkindik beredi.
Sonymen qatar ýnıversıtette halyqaralyq agrotehnologııalyq HAB quramynda 11 ǴZI, 8 ınnovasııalyq ortalyq, 49 zertteý zerthanasy, 18 halyqaralyq ortalyq kiredi.
Zertteý baǵyttary boıynsha barlyq toptar QR Aýyl sharýashylyǵy mınıstrligi «UAǴBO»KeAQ beıindi ǴZI jáne agrobıznes kásiporyndarymen ıntegrasııalanǵan ortaq júıege engizilgen.
Júrgizilgen jumys nátıjeleriniń qorytyndysy boıynsha 2020 jyly oqý orny Úkimet qaýlysymen zertteý ýnıversıteti mártebesine ıe boldy. Al ótken jyldyń qarasha aıynda ýnıversıtettiń qaramaǵyna tórt beıindi ǴZI berilip, birlesken ǵylymı-zertteý jobalardy júıeli júrgizýge, ınnovasııalyq bilim berý baǵdarlamalaryn ázirleýge jáne nátıjelerdi óndiriske engizýge múmkindik berdi.
ALMATY
