Serikqalı Brekeshev avtokólikter men aýyl sharýashylyǵy tehnıkalaryna kádege jaratý tólemi mólsherlemesi jurtshylyqpen kelisilgennen keıin bekitiletinin aıtty.
«Kádege jaratý alymynyń mólsherlemesin qaıta qaraý boıynsha jumys jalǵasyp jatyr. Men úsh-tórt jumys tobyn jeke avtokólik quraldary, aýyl sharýashylyǵy tehnıkasy, kabel-ótkizgish ónimderi, qaptama jáne t.b. boıynsha kezdesý ótkizdim.
Búginde kabel-ótkizgish ónimderi boıynsha kádege jaratý alymynyń mólsherlemesi nól bolady degen sheshim qabyldandy. Aldymen kabel-ótkizgish ónimderi (KО́О́) boıynsha tólemderdi qabyldaý kúnin 2023 jylǵy 1 qańtarǵa deıin aýystyrýdy josparladyq, biraq sodan keıin KО́О́ boıynsha tólemniń nóldik mólsherlemesin alý týraly sheshim qabyldandy, ol merzimsiz bolady. KО́О́ boıynsha kádege jaratý alymy tólenbeıdi», dedi mınıstr.
Sondaı-aq mınıstr «Jasyl damý» AQ mindettemeleri keńeıgenin, tolyq jumys isteıtinin aıtty.
«Qazir tergeý sharalary júrip, qujattar men júıe ótkizilip jatyr. Ol júıe demalys kúni ǵana qosyldy, mamandar jumys istep jatyr. Dúısenbiden bastap ol qalypty rejımde jumys isteıdi. Kádege jaratý tólemderi qabyldanady, mınıstrlikte zań blogy, sıfrlyq tehnologııalar, bıýdjettik josparlaý departamenti ókilderinen komıssııa quryldy. Olar qazir jumys istep jatyr jáne «О́KM Operatorynyń» qyzmetine sáıkes aqsha qarajatynyń barlyq túsimi men shyǵystaryn qaraıdy», dedi ol.
