«Memleket basshysynyń tapsyrmalaryn iske asyrý jónindegi UQK sharalary týraly Memleket basshysynyń 11-qańtarda Parlament Májilisiniń jalpy otyrysynda jáne 27-qańtarda Qaýipsizdik Keńesiniń otyrysynda bergen tapsyrmalaryn oryndaý úshin Ulttyq qaýipsizdik komıteti vedomstvonyń qyzmetin qaıta formattaý jónindegi jumysyn bastady.
UQK organdarynyń, onyń ishinde Shekara qyzmeti men «A» Arnaýly maqsattaǵy qyzmetiniń qurylymyn, mindetteri men fýnksııalaryn baǵalaý jáne ońtaılandyrý boıynsha arnaıy jumys toby quryldy.
Terrorızmge, transulttyq uıymdasqan qylmysqa jáne halyqaralyq esirtki bıznesine qarsy kúres, sondaı-aq ekonomıkalyq qaýipsizdikti qamtamasyz etý bólimsheleriniń qyzmetin qaıta qurý jáne nyǵaıtý máseleleri jeke shyǵaryldy. Jeke quramnyń jaýyngerlik daıyndyǵyn kúsheıtý boıynsha sharalar ázirlendi.
Terrorızmge qarsy kúres jónindegi respýblıkalyq jedel shtab kúshtik qurylymdar men memlekettik organdardyń TQO rejımi jaǵdaıyndaǵy birlesken is-qımyldaryna olardy jetildirý jónindegi sharalardy ázirleı otyryp taldaý júrgizip jatyr.
Bul jumystyń nátıjesi ulttyq qaýipsizdik organdarynyń jedel-qyzmettik is-qımylyn uıymdastyrýdyń qurylymy men tásilderin qaıta uıymdastyrý bolady», delingen habarlamada.
