Dúnıejúzilik densaýlyq saqtaý uıymynyń afrıkalyq aǵa vırýsology Nıksı Gýmede-Moeletsı «jasyryn omıkron» dep atalatyn omıkron shtamynyń jańa túri Afrıkanyń 5 elinde tirkelgenin, ony qoldanystaǵy synaqtardy qoldaný arqyly anyqtaý óte qıyn ekenin aıtty.
«Omıkronnyń BA.2 dep atalatyn jańa kishi túri kontınenttiń Botsvana, Kenııa, Malavı, Senegal jáne Ońtústik Afrıka sekildi 5 elinde anyqtaldy. Bul bizdi qatty alańdatady», dedi vırýsolog.
Ol qolda bar synaqtar koronavırýstyń jańa shtamyn anyqtaı almaıtynyn, soǵan baılanysty DDU dúnıe júzindegi birneshe zerthanalarmen jumys istep jatqanyn túsindirdi.
Ázirge DDU sarapshylary Afrıkada tabylǵan vırýs nusqasynyń qanshalyqty patogendi ekenin aıta almaıdy.
