«Tártipsizdikterdiń alǵashqy eki kúninde kóptegen iri qalalarda, ásirese Almatyda memlekettik mekemeler men polısııa ǵımarattaryna shabýyl jasaldy. Atalǵan shabýyldarǵa toıtarys berý barysynda jáne qaqtyǵystarda polısııa qyzmetkerleri de, áskerı qyzmetshiler de, shabýyldaýshylar da dene jaraqatyn aldy», dedi ol ortalyq kommýnıkasııalar qyzmetindegi brıfıng barysynda.
Departament bastyǵynyń dereginshe, tártipsizdik kezinde quqyq qorǵaý jáne arnaıy organdardyń, sondaı-aq áskerı qyzmetshilerdiń ishinde 19 adam qaza tapty jáne 3 myńnan astamy dene jaraqatyn aldy.
«Bul rette 40 adam oqtan, 13-i pyshaqtan jaraqattandy. 170-ten astamy basqa da aýyr jaraqat aldy. Beıbit turǵyndar arasynda qaza tapqandar da bar ekeni belgili. Biraq bul - jappaı tártipsizdik nátıjesi jáne árbir qaza tapqan adam boıynsha qazir obektıvti tergeý júrip jatyr», dedi Sanjar Ádilov.
