Jańa qyzmetti egov.kz portalynda onlaın alý QR Sıfrlyq damý, ınnovasııalar jáne aeroǵarysh ónerkásibi mınıstrligi, «Ulttyq aqparattyq tehnologııalar» AQ jáne QR Ádilet mınıstrliginiń aqparattyq júıelerin biriktirý arqyly júzege asyrylyp otyr. Qyzmet zańdy jáne jeke tulǵalarǵa qoljetimdi ári tegin kórsetiledi. Endi quryltaıshynyń (jeke tulǵanyń) jarǵylyq kapıtaldaǵy úlesterin senimgerlik basqarýǵa berý, úlesti basqarýǵa berý merzimin ózgertý jáne senimgerlik basqarýǵa berýdi qaıtaryp alý múmkindigi bar.
«Jańa qyzmettiń yńǵaılylyǵy – úıden shyqpaı-aq zańdy tulǵanyń úlesin onlaın basqarýǵa berýge bolatyny. Biz memlekettik organmen birlesip qyzmet alý ýaqytyn qysqartý aıasynda jumys istep jatyrmyz. QR SDIAО́M birlesken jumystyń arqasynda sıfrlyq transformasııa azamattar úshin de, kásip úshin de kóptegen bıznes-prosesterdi jeńildetedi jáne jaqsartady», deıdi «Ulttyq aqparattyq tehnologııalar» AQ Basqarma Tóraǵasy Rostıslav Konıashkın.
«Ulttyq aqparattyq tehnologııalar» AQ Qoǵammen baılanys basqarmasynyń málimdeýinshe, memlekettik qyzmetter tiziminde qazir 700-ge jýyq qyzmet pen servıs qoljetimdi. О́tken jyly elektrondy úkimet portalynda qyzmetterdiń 92%-y avtomattandyryldy. Egov.kz portalynyń kómegimen azamattarǵa shamamen 50 mıllıon qyzmet kórsetilgen, bul 2020 jylmen salystyrǵanda 6 mıllıonǵa kóp.
