«Bıyl 17,3 mln sharshy metr turǵyn úıdi nemese 160 myń turǵyn úıdi paıdalanýǵa berý josparlanyp otyr. Kezekte turǵan 70 myń adamnyń máselesin sheshý úshin jeke turǵyn úı qoryndaǵy jalǵa beriletin turǵyn úı úshin tólemniń bir bóligin sýbsıdııalaý tetigi engiziletin bolady», dedi Álıhan Smaıylov.
Premer-Mınıstr ekonomıkaǵa memlekettiń qatysýyn qysqartý maqsatynda memlekettik jáne kvazımemlekettik sektorlardyń básekelestik ortaǵa berýge jatatyn aktıvterin irikteýdiń neǵurlym naqty krıterııleri aıqyndalǵanyn atap ótti.
«Bul sheshim qabyldaýdyń ashyqtyǵyn qamtamasyz etedi. Tıimdilikti jáne jalpy áleýmettik-ekonomıkalyq qaıtarymdy arttyrý úshin memleket úshin «Samuryq-Qazyna» UÁQ» AQ men «Báıterek» UBH-ny túbegeıli reformalaý kózdelgen», dep qosty Álıhan Smaıylov.
