«Oqý oryndaryna akademııalyq derbestik beriledi. Máselen, buryn Bilim jáne ǵylym mınıstrliginiń ózi barlyq salalar úshin barlyq bilim berý baǵdarlamalaryn ázirleıtin. Mysaly, aspazshy biliktiligin alý úshin úsh jyl oqý kerek boldy. Sonymen birge, túlek bolashaqta qaıda jumysqa ornalasýdy josparlaǵanyna qaramastan-mektep ashanasyna nemese Mıshelın meıramhanasyna, baǵdarlamanyń mazmuny men oqý merzimi birdeı boldy. Endi bilim berý baǵdarlamasyn kolledjder jumys berýshimen birlesip derbes ázirleıdi», dep túsindirdi QR BǴM Tehnıkalyq jáne kásiptik bilim departamentiniń dırektory Nasymjan Ospanova.
Onyń aıtýynsha, bilim berý baǵdarlamasy mindetti túrde kásibı standartqa negizdelýi tıis. Bul naryqtyń nemese jumys berýshiniń maman daıarlaý deńgeıine qoıylatyn talaptaryn bildiredi.
Sondaı-aq, ol kolledjderde oqý merzimine qatysty taǵy bir jańalyǵyn habarlady.
«Eger buryn QR BǴM oqý merzimin qatań rettese, endi bul norma joq. Iаǵnı, bilim berý baǵdarlamasy men oqý merzimderin jumys berýshi kolledjben birlesip anyqtaıdy, bul rette mamandyq, shyǵarylýy nemese daıyndalýy qajet quzyrettilik deńgeıi jáne qajetti oqytý nátıjesi eskeriledi. Búgingi tańda barlyq kolledjderdiń mindeti - bul óz jumysyna jumys berýshilerdi, eńbek naryǵynan qansha, qandaı deńgeı men sapaly mamandar qajet ekenin naqty biletin mamandardy belsendi tartý. Bul talapty biz bilim berý baǵdarlamalaryna - búgingi kúni bastalǵan úlken júıe quraýshy, mańyzdy qadamǵa qoıyp otyrmyz», dep qosty Nasymjan Ospanova.
