Osydan otyz jyl buryn

Kúntizbe boıynsha kóktem kelgeli jıyrma kúnniń júzi bolsa da Arqanyń arqa qarıtyn aıazynyń beti qaıtpaı, azynaǵan jeli ókpektete soǵyp turǵan edi. Keshe taban astynan tyna qalypty. Maı tońǵysyz deıtin­­­deı aýa raıy bir-aq túnde ornaı qoıypty. Kún jarqyrap tur. Jel joq. Astanadaǵy Naýryz toıy ta­masha bastaldy. Jınalǵan jurt­tyń júzi jadyrańqy, kóńili kóterińki. Saǵat on ekige ja­qyndaǵanda Elbasy keldi «Qazaq eli» monýmentiniń janyndaǵy alańǵa. Aqtaryla, aǵyla sóıledi. Kún men tún teńesken shaqqa astronomııalyq dáldikpen tuspa-tus keletin Naýryzdyń atam zamannan, tipti sonaý bes myń jyl burynnan kele jatqanynan tartyp, onyń tatýlyqtyń, taǵat­tylyqtyń, turaqtylyqtyń me­rekesi bolyp tabylatynyn, munyń ózi búginde jer-jahan «Qazaqstan joly» dep ataǵan bizdiń tań­daýy­myz ekenin aıtty. Oıyma osydan otyz jyl burynǵy oqıǵa oralady. Onda da kóktem kúni bolatyn. 1984 jyldyń 22 naýryzy edi ol. «Sosıalıstik Qazaqstan» gaze­tinde bólim meńgerýshisi, redak­sııalyq alqa múshesi kezim. Naý­ryzdy merekeleı qoıma­ǵa­ny­myzben, qazaqy orta emespiz be, redaksııada bir-birimizdi qut­tyqtasyp, tilek aıtysyp ja­ta­­­­­tynbyz. Dál sol kúni «So­sıa­­lıstik Qazaqstannyń» tele­taıp lentasyna, ol kezdegi til­men aıtsaq, Qazaq SSR Jo­­ǵar­ǵy Soveti Prezıdıýmynyń Nur­sultan Ábishuly Nazarbaevty Qazaq SSR Mınıstrler Sove­tiniń Predsedateli etip taǵaıyn­daý týraly Ýkazy tústi. Qyryq­­tyń qyrqasyna jańa shyq­qan jigittiń respýblıka Úkimetiniń tizginin ustaǵanyna tań­danýshylar tabylmaǵany esimde. Bári de sodan on jyldaı buryn, 1973 jyly gazettiń menshikti tilshileriniń kóshpeli jınalysy Temirtaýda ótkenin eske túsirip, qaıraǵan qylyshtaı qylpyp turǵan qazaq azamatynyń – qalalyq partııa komıtetiniń ekinshi hatshysy Nursultan Nazarbaevtyń oıynyń nári­men de, sóziniń árimen de jýrna­lıs­­terdi tánti etkenin, kezdesý so­ńynda Kókshetaýdaǵy men­­shik­ti tilshi, arqaly aqyn Erkesh Ibrahımniń kózi jasaýrap: «Alda, qaraǵym-aı, seni dú­nıege ákelgen ata-ana­ńa rahmet. Men bilsem, túbi úl­ken adam bolarsyń» dege­nin aı­ty­­­syp jatty. Temirtaýdaǵy kezdesýden keıin arada on bir jyl ót­­kende sol azamat Úki­met bas­­shysy qyzmetine taǵaıyn­­daldy. Ol eki aralyqta oblys­­­­tyq par­tııa komıtetiniń, Qa­zaq­­stan Kompartııasy Orta­lyq komıtetiniń hatshysy min­detterin atqaryp, ábden ysyldy, bolashaǵy úlken qaırat­ker re­tin­de baǵalandy. Aqyry Keńes Oda­­ǵyn­daǵy eń jas premer atandy. Nursultan Nazarbaevtyń ómirindegi jańa belestiń jańarý kúnimen jarasyp kelgenin de jaq­­­sy yrymǵa jorysty jurtshylyq. Biligi boıynsha da, bilimi boıynsha da metallýrg, bu­ǵan deıin kóbine ónerkásip máse­lelerimen aınalysyp kelgen basshynyń ekonomıkanyń, áleýmettik saıasat­­­­tyń barlyq sala­larynyń uńǵyl-shuńǵylyn egjeı-tegjeıli zerttep shy­ǵýy­na múmkindik bergen, uıym­dastyrýshylyq qasıetterin barynsha jarqyratyp ashqan bul qyzmet, ıaǵnı Nursultan Nazar­­­­baevtyń 1984-1989 jyldarda respýblıka Úkimetin bas­­qa­rýy keıinnen bárimizdiń baǵymyzǵa aınal­dy. Elbasymyzdyń Qazaq­stan­dy qırandy, qulandy kúıi­nen memleket etip quryp shyǵýy, halyq­ty nebir tar jol, taıǵaq keshýden aman-esen alyp ótýi, alys ta, jaqyn da moıyndaıtyn, qurmetteıtin el etýi aldaǵy kúnder bar baǵasyn bere jatatyn uly eńbek, eren erlik desek, bul iste Elbasymyzdyń kezinde Úkimet basqarýynyń máni bólekshe bolǵany anyq. Prezıdentimiz­­diń ómi­rindegi eńseli belesterdiń birine dál búgin dál otyz jyl tolyp otyrǵanyn jur­tymyz bile júr­sin dep jedeǵabyl jazdyq bul joldardy. Eli úshin tún qatyp, tús qa­­­shyp, attan túspeı júrgen Aza­mat­tyń aldynan aq tań ata bersin dep tileıik, aǵaıyn. Otyz jyl bu­ryn bastalǵan jemisti jol eli­mizdi ozyq otyzdyqtan oryn alýǵa jetkizsin! Saýytbek ABDRAHMANOV.