Jerlesimiz brazılııalyq Sılva de Andrade Dýglaspen kúsh synasady. 36 jastaǵy Ońtústik Amerıka ókili sporttyń bul túrimen 2010 jyldan beri shuǵyldanady. О́z elinde ótken jarystarda qatarynan 22 ret jeńiske jetken jigit 2014 jyly UFC-ge shaqyrtý alǵan. Oktagonda barlyǵy 31 kezdesý ótkizip, 27 márte jeńis toıyn toılady. 21 básekede aıqyn basymdyq tanytty. Ol tek Zýbaıra Týhýgov, Rob Font, Petr Iаn jáne Leron Merfı syndy sańlaqtardan utyldy. Qalǵan kezdesýlerdiń sheshimin tóreshiler shyǵardy. Al 32 jastaǵy Sergeı Morozovtyń kásipqoılar arasynda óner kórsetip júrgenine tórt jylǵa jýyqtady. Barlyǵy 22 ret aıqas alańyna shyqqan onyń 17 ret mereıi ústem boldy. 9 básekede aıqyn jeńiske qol jetkizdi. Sergeı UFC-de eki kezdesý ótkizip, alǵashqysynda utylsa, ekinshisinde jeńiske jetti.
Hıýstondaǵy týrnırdiń basty jekpe-jegi Jańa Zelandııanyń ókili Israel Adesanıa men Aýstralııanyń myqtysy Robert Ýıttaker arasynda ótedi. Qos sańlaq orta salmaqtyń chempıondyq belbeýin ózara sarapqa salady.
