Fýtboldan Qazaqstan chempıonatynyń ekinshi týry ótti

Búgin, 22 naýryz kúni Qazaqstan fýtbol chempıonaty premer-lıgasy ekinshi týrynyń oıyndary oınaldy. Ol eń az gol soǵylǵan týrlardyń biri boldy. Qarsylastar 6 oıynda 4 ret qana qaqpadan dop aldyrdy. Bul týraly ras.kz habarlady. Týrdaǵy alǵashqy oıyndar Qaraǵandy, Shymkent jáne Semeı qalalarynda jalaý kóterdi. Álgindegi 4 goldyń 3-i osy matchtarda soǵyldy. Qaraǵandyda jergilikti «Shahter» men «Aqtóbe» arasyndaǵy kezdesý jeńimpazdy anyqtaı almady. Esesine, osynda qaqpalarǵa 2 dop tústi. Olardy 45-mınýtta aqtóbelik Iýrıı Logvınenko, 66-mınýtta Toqtar Janqylyshbaı saldy. Osy eki komanda bıyl kóktemde Astanada Sýperkýbok úshin kúsh synasyp, maýsymdy da bastap berip edi. Al jeńiske 1:0 degen esepti tirkegen aqtóbelikter jetken bolatyn. Shymkentte ótken «Ordabasy» men «Astana» arasyndaǵy oıynda meımandar 1 gol soǵyp, jeńis toıyn toılady. Ony Sısero óz esebine jazdy. Osy mezgilde Semeıde «Spartak» pen Pavlodardyń «Ertis» komandalary bettesken matchta esep ashylǵan joq. Bulardan bir saǵat keıin Qyzylordada «Qaısar» jasaǵy «Taraz» jamaǵatymen, Atyraýda qala attas klýb Qostanaıdyń «Tobylymen» ushyrasty. Qarsylastar bul eki oıynda da esep asha almaı tarqasty – 0:0. Al saǵat 18:00-de Taldyqorǵanda «Jetisý» men Almatynyń «Qaıraty» arasyndaǵy kezdesýde alań ıeleri 21-mınýtta Sergeı Shaff salǵan goldyń arqasynda jeńiske jetti. Rýslan Igilik. Derekkóz: ras.kz. Foto: Sports.kz.