«Osyǵan deıin 2021 jylǵy tamyz keńesiniń qorytyndysy boıynsha mınıstrlik Y. Altynsarın atyndaǵy ulttyq bilim berý akademııasyna oqýshylardyń júktemesin azaıtý sharalaryna qatysty, tıimdi oqý jylynyń uzaqtyǵyn anyqtaý, bilim berý uıymdarynda eńbekaqy tóleýdiń saǵattyq júıesi men jáne jalaqynyń artyqshylyqtaryn, úlgilik oqý baǵdarlamalaryn jańartý jóninde birqatar zertteýler júrgizýdi tapsyrǵan bolatyn», delingen habarlamada.
Bul rette naqty sheshim qabyldaý jáne pılottyq túrde júrgizý úshin zertteýlerdi aıaqtaý kerek.
«Sondyqtan barlyq bilim berý uıymdary menshik nysanyna qaramastan memlekettik jalpyǵa mindetti standartty saqtaýǵa mindetti. Jańa jobalardy engizý kezinde dáleldemelermen jáne aldyn ala talqylaýmen bekitilgen ǵylymı tásil mańyzdy dep sanaımyz. Bilim jáne ǵylym mınıstrligi úshin oqýshylar men stýdentterdiń múddeleri birinshi kezekte turady», dedi vedomstvo.
