«Bolashaq» halyqaralyq stıpendııasy aıasynda kadrlar daıarlaý eńbek naryǵyna qajettilikteriniń orta merzimdi boljamyn eskere otyryp ázirlenetin Basym mamandyqtar tizbesine sáıkes júzege asyrylady. Halyqaralyq stıpendııa iske asyrylǵan 28 jyl ishinde barlyǵy 130 stıpendııa «Fılologııa, lıngvıstıka, aýdarma isi» mamandyqtary boıynsha taǵaıyndalǵan. Onyń ishinde 10 stıpendııa «Aǵylshyn tili jáne ádebıeti», «Aǵylshyn ádebıeti», «Til jáne ádebı bilim», «Til jáne medıa», «Zamanaýı tilder men ádebıet» mamandyqtary boıynsha berilgen. Al sońǵy bes jyl aralyǵynda «Fılologııa, lıngvıstıka, aýdarma isi» mamandyqtary boıynsha 26 stıpendııa (bakalavrıat – 1, magıstratýra – 11, doktorantýra – 6, taǵylymdama – 8 stıpendııa) taǵaıyndalǵan: Onyń bireýi - «Aǵylshyn ádebıeti» mamandyǵy boıynsha», dep atap ótedi Eraly Toǵjanov jaýabynda.
Vıse-premer dereginshe, qazirgi tańda olardyń ishinen 17-ci oqýyn aıaqtady, 9 stıpendıat bilim alý ústinde. Jalpy, tizbege poezııa men proza, aýdarma men ádebı syn, dramatýrgııa men synı oılaý sııaqty ádebıetke qatysty pánderdiń baǵytyndaǵy magıstr men doktor dárejesin álemniń úzdik ýnıversıtetterinde bilim alýǵa baǵyttalǵan mamandyqtar engizilgen.
Onyń ishinde «Til bilimi jáne ádebıet», «Til, ádebıet jáne mádenıet», «Ádebı til bilimi», «Ejelgi jáne qazirgi tilder men ádebıet», «Qazirgi zaman ádebıeti», «Salystyrmaly ádebıet men mádenıet», «Balalar ádebıeti», «Aǵylshyn ádebıeti», «Klassıkalyq tilder men ádebıet», «Álem ádebıeti aǵylshyn tilinde», «Salystyrmaly ádebıet jáne synı aýdarma», «Jahan ádebıeti men mádenıeti», «Aǵylshyn tili jáne salystyrmaly ádebıettaný», «Ispan tili jáne ádebıeti», «Grek/latyn tilderi men ádebıeti», «Fransýz tili jáne ádebıeti», «Nemis tili jáne ádebıeti», «Latyn Amerıka ádebıeti», «Fransýz jáne roman tilderi men ádebıetteri», «Aǵylshyn ádebıeti: ádebıet jáne qoǵam: aǵartýshylyq, romantızm», «Aǵylshyn ádebıeti: ádebıet jáne qazirgi zaman: 1900 jyldan qazirgi ýaqytqa deıin», «Aǵylshyn ádebıeti jáne Amerıkataný», «Jazba óneri jáne basylym», «Dramalyq jazý», «Ádebıet jáne kıno», «Dramalyq ádebıet, teatr tarıhy jáne kıno» Tizbede mamandyqtar qamtylǵan.
«Depýtattyq saýalda kórsetilgen usynystar eskerile otyryp, tizbedegi «Ádebıet» atalymy boıynsha mamandyqtar sanyn kóbeıtýge nazar aýdarylatyn bolady. Sonymen qatar, jalpy «Bolashaq» baǵdarlamasy aıasynda ádebıet mamandyǵy boıynsha bilim alatyn túlekter sany úmitkerlerdiń osy mamandyqqa qyzyǵýshylyǵyna tikeleı baılanysty ekendigin eskerý qajet. Bul rette Qazaqstan jazýshylar odaǵy osy mamandyqtar boıynsha iriktep usynǵan talantty qalamgerlerdiń kandıdatýralary zertteledi jáne qoldanystaǵy «Bolashaq» halyqaralyq stıpendııasyn taǵaıyndaý úshin úmitkerlerdi irikteý qaǵıdalaryna konkýrstyq negizde qarastyrylady», dedi E.Toǵjanov.
