Kóptiń kómegimen kólikti boldy

Kórgen jurttyń barlyǵy balapandary úshin baryn salyp júrgen ákege jaqsy tilekterin jazyp qaldyrypty. Belgili shoýmen, blo­ger Asylhan Dúkenbaev áleý­mettik jelide aqsha jınap, qońyr tirshiligine qanaǵat qylǵan janǵa kólik áperý týraly bastama kótergende eldiń kóbi qoldap ala jóneldi.

Úsh kúnniń ishinde 8 mıllıon teńgege jýyq qarjy jınalypty. Qasıetti juma kúninde qaladaǵy ortalyq meshittiń aýlasynda tasbógettik Qanat esimdi azamatqa sý jańa kólik tabys etildi.

Bastamany uıymdastyrýshy­lardyń aıtýynsha, jurt aqsha jınaı bastaǵanda vıdeony kór­gen shymkenttik bir azamat jerlesimizge temir tulpar min­gizgisi keletinin bildiripti. Jer­gilikti bloger osydan keıin turaqty baspanasy joq otbasyna úı alyp berý jaıly oıǵa oıys­qanyn aıtady. Alaıda áserli vıdeo keıipkeri kólik syılaımyn dep nıet qylǵan shymkenttik azamatqa alǵysyn jetkizip, kóp­shilikten aqshasyna túsken kólik­tiń yńǵaıy bolsa, sony úı al­ǵandaı kóretinin aıtypty.

 Kólik satyp alýdan artylǵan qarjy da kóp aldynda Qanatqa tabys etildi. Kólikti bolǵan azamat pen anasy qamqorlyq tanytqan jerlesterge rızashylyqtaryn jet­kizdi.

Qazirgideı zamanda aınalańda nıet-tilegi túzý adamdardyń júrgeni janyńa jylýlyq uıa­latady, á...

QYZYLORDA