• 25 Naýryz, 2014

«Altynemel» memlekettik ulttyq tabıǵı parkindegi janýarlarǵa sanaq júrgizildi

955 ret

kórsetildi

2 mın

oqý úshin

Egemen Qazaqstan

«Qyzyl kitapqa» engen «Altynemel» memlekettik ulttyq tabıǵı parkindegi janýarlarǵa sanaq júrgizildi. Bul týraly «24 kz» habarlady. Atalǵan ulttyq park qyzmetkerleri men Zoologııa jáne ańshylyqty qadaǵalaý ınstıtýtynyń mamandary eki kún boıy janýarlardy sanap shyqty. О́tken jyly mundaǵy taý eshkileri 131 bolsa, qazirde onyń sany 158-ge jetken. Al qaraquıryq basy byltyrǵy jylmen salystyrǵanda 350-ge ósipti. Alaıda, «Qyzyl kitapqa» engizilgen janýarlardyń sany artýyna qasqyrlar shabýyly kedergi jasap tur. О́ıtkeni, eski ádispen qaqpan quryp, qasqyr ustaý kútkendegideı nátıje bermeı otyr. «Altynemel» memlekettik ulttyq tabıǵı parki shyǵystan batysqa, odan ortalyq Azııaǵa sozylyp jatqan Turan jáne Jońǵar shóli, shyǵys jáne ońtústik-shyǵys baǵytqa qaraı Qytaı men Mońǵolııaǵa deıin jalǵasatyn bıografııalyq aýmaqta ornalasqandyǵymen qundy. Sondyqtan parktiń ózine ǵana tán bıologııalyq, landshaftyq erekshelikteri bar. Onyń taǵy bir tabıǵı ereksheligi, 20-25 metr aralyqta ósimdikter ekojúıesiniń aýysýyn anyq baıqaýǵa bolady. Naqty aıtqanda, bul jerden joǵalyp ketý qaýpi tóngen 60 túrli ósimdikterdi kezdestire alasyz. Sonyń 29 túri «Qyzyl kitapqa» engen. Sonymen birge, park aýmaǵynda Qazaqstannyń «Qyzyl kitabyna» engen qulan, qaraquıryqtyń eń kóp túri mekendeıdi. Parkte jyrtqysh qustardyń da túrleri óte kóp. «Altynemel» memlekettik ulttyq tabıǵı parki álemge áıgili Prjevalskıı jylqylaryn tabıǵatqa qaıta qaıtarý maqsatyndaǵy synaq jumystaryn júrgizip otyrǵan elimizdegi birden-bir ǵylymı ortalyq. Dúnıejúzinde sany óte az qalǵan Buhar buǵysy da bizdiń parkte bar. Sondaı-aq, park aýmaǵynan emdik qasıeti aıryqsha mıneraldy ystyq sýdyń (termınaldyq) qaınar kózderin kezdestire alasyz. Munda tarıhı-mádenı eskertkishter de bar.Bizdiń dáýirimizge deıingi IV-VI ǵasyrlardaǵy saq qorǵandarynyń ishinde «Besshatyr» qorǵandarynyń alatyn orny aıryqsha», -dedi «Altynemel» memlekettik ulttyq tabıǵı parkiniń bas dırektory Halyq Baıadilov. Ámirhan Almaǵanbetov. Derekkóz: «24 kz». Foto: e-history.kz.