Bul týraly Bilim jáne ǵylym mınıstrligi málim etti.
Arnaıy tehnologııanyń arqasynda operasııadan keıin 3-6 aı ishinde súıek jáne shemirshek tinderi qalpyna keledi. Klınıkaǵa deıingi synaqtardyń nátıjeleri preparattyń tıimdiligi joǵary ekenin rastady.
«Súıek aqaýlaryn tolyqtaı qalpyna keltirý travmatologııa men ortopedııadaǵy kúrdeli jáne sheshilmegen máselelerdiń biri bolyp qala beredi. Emdeý úshin súıek almastyrǵyshtaryn qoldana otyryp, osteoplastıkanyń ártúrli ádisteri jıi qoldanylady. Biraq bul operasııanyń nátıjesinde súıek árdaıym tolyq qalpyna kelmeıdi. Biz súıek aqaýlarynyń tolyq qalpyna kelýine yqpal etetin tehnologııany jasadyq. Baǵanaly jasýshalar men tabıǵı bıopolımerler zaqymdalǵan súıek nemese shemirshek tinderin qalpyna keltirý prosesin jedeldetedi», dedi ázirleme avtory, Ulttyq bıotehnologııa ortalyǵynyń baǵanaly jasýshalar zerthanasynyń meńgerýshisi, professor Vıacheslav Ogaı.
Ǵalymnyń aıtýynsha, gıdrogelder súıek tinin jasaýda qańqa retinde qoldanylady. Qurylymynda olar dáneker tininiń negizine uqsas, sondyqtan barlyq bıomaterıaldar arasynda jasýsha transplantasııasy úshin eń qolaıly.
Qazir alǵashqy operasııalardy baǵanaly jasýshalar negizinde gıdrogel arqyly júrgizý josparlanyp otyr. Kúrdeli synyqtar men zaqymdalǵan býyndardy qalpyna keltirýdiń biregeı tehnologııasy travmatologııa men ortopedııada kórsetiletin medısınalyq qyzmetterdiń deńgeıin aıtarlyqtaı arttyrady dep kútilýde. Preparat mamandandyrylǵan aýrýhanalar men ǵylymı medısınalyq ortalyqtarda qoldanylady.
Bul tehnologııa qazirgi ýaqytta N.Batpenov atyndaǵy Ulttyq travmatologııa jáne ortopedııa ǴZI bazasynda klınıkalyq synaqtan ótip jatyr. Ǵylymı baǵdarlamany ǵylymdy baǵdarlamalyq-nysanaly qarjylandyrý aıasynda Bilim jáne ǵylym mınıstrligi qarjylandyrady.
