Frıstaılshylar senimdi aqtamady

Alǵashqy synaqta ekeýi de súrindi. Janbota 12-satyǵa jaı­ǵassa, Aqmarjan 19-orynda qalyp qoıdy. Ekinshi irikteý saıysynda Aldabergenova bil­geninen jańylyp, jarysty merziminen buryn aıaqtady. Al Qalmurzaeva óz tobynda úz­dik shyǵyp, birinshi fınalǵa joldama aldy. Biraq sheshýshi tusta jerlesimiz ózin jaqsy qy­rynan kórsete almady. Ekinshi ret ortaǵa shyqqanda jarysty jalǵastyrýǵa daıyn bolmasa, úshinshisinde tym az upaı jınap, qorytyndy esepte 11-oryndy qanaǵat tutty. Bul ja­rysta negizgi básekelestik qy­taılyq Sıýı Mentao men belo­rýssııalyq Anna Gýskova ara­synda órbidi. Ekeýi de óte myqty sportshy­lar. Mentao – Olımpııa oıyndarynyń eki dúrkin kúmis júldegeri, Gýskova – Phenchhandaǵy oıyndardyń jeńimpazy. О́te shıelenisti ótken tartysta jergilikti frıs­­­taılshynyń asyǵy alshysynan tústi. Belarýs ókili kú­mispen kúptelse, qola medal amerıkalyq Megan Nıkke bu­ıyrdy. Bizdiń Aqmarjan Qalmurzaeva dál osy AQSh óki­linen ekinshi irikteý synynda ozǵan bolatyn.

Shańǵymen tramplınnen sekirýdiń (HS140) komandalyq saıysynda quramynda Shtefan Kraft, Danıel Hýber, Iаn Herl jáne Manýel Fettner syndy sańlaqtary bar Aýstrııa aldyna jan salmady. Ekinshi jáne úshinshi oryndarda – Slovenııa (Lovro Kos, Sene Prevs, Tımı Zaıs jáne Peter Prevs) men Germanııa (Konstantın Shmıd, Shtefan Lıaıe, Markýs Aızenbıhler jáne Karl Gaıger).

Mánerlep syrǵanaýdaǵy bıshiler básekesinde fransııalyq jup – Gabrıela Papadakıs pen Gııom Sızeronnyń baǵy jansa, odan keıingi oryndardy Vıktorııa Sınısına men Nıkıta Kasalapov (Reseı) jáne Medıson Habbell men Zakarı Donohıý (AQSh) enshiledi. Al basqa sport túrleri boıynsha tek qana irikteý saıystary ótip, sol synaqtan súrinbegender fınalda kúsh synasý qurmetine ıe boldy.

Shaıbaly hokkeıden ótip jatqan jarys ta kópshiliktiń qyzyǵýshylyǵyn týdyrýda. Qazirgi kezde erler arasyndaǵy báse­kede barlyǵy 12 qurama úsh topqa bólinip baq synaýda. Solardyń arasynan birinshi oryn alǵandary tikeleı shırek fınalǵa joldama aldy. Olar – AQSh, Fınlıandııa, Shvesııa jáne Reseı quramalary. Keshe túnde Danııa men Latvııa, Chehııa men Shveısarııa, Slovakııa men Germanııa jáne Kanada men Qy­taı hokkeıshileri ózara kúsh synasty. Shırek fınaldyq sa­ıys­tar búgin ótedi. 18 aqpanda jartylaı fınaldy tamashalaımyz. Al 19 jáne 20 aqpan kúnderi Olımpııa oıyndarynyń jeńimpazy men júldegerleri anyqtalady.

Áıelder arasyndaǵy hok­keıshiler jarysynyń jartylaı fınaldyq saıystary aıaqtaldy. Bul mejede Kanada Shveısarııany 10:3 esebimen utsa, AQSh Fınlıandııadan aıla­syn asyrdy – 4:1. Endi er­teń kórshiles eki memlekettiń ókil­deri bas júldeni ózara sarap­qa salady. Jeńilis tapqan komandalar qola medal úshin talasady.

Jalpy esepte áli de Nor­vegııa alda keledi. Olar 9 altyn, 5 kúmis jáne 5 qolany oljalady. Basty qarsylastarynan Germanııanyń bir bas júldesi kem. Odan bólek, nemisterde 5 kúmis pen 2 qola medal bar. AQSh (7+6+3) úshinshi orynǵa jaıǵassa, Nıderland (6+4+2) pen Aýstrııa (5+6+4) tórtinshi jáne besinshi satylarǵa taban tiredi. Sondaı-aq Shvesııa (5+3+3), Qytaı (5+3+2), Reseı (4+6+8), Fransııa (3+6+2) jáne Shveısarııa (3+0+5) ozyq on komandanyń qatarynda. Osy jarysta barlyǵy 21 memlekettiń ánurany shyrqalyp, 26 eldiń týy bıikte jelbiredi. О́kinishke qaraı, olardyń qatarynda Qazaq­stannyń sportshylary joq.