QMA túsindirgendeı, aýdıtorlyq uıymdar óz qyzmetterin kórsete otyryp, klıentterdiń jumysyndaǵy olqylyqtardy anyqtaý úshin olardyń qarjylyq qyzmetin tekseredi, salyq salý, kásiporynnyń esep saıasaty jáne t.b. máseleleri boıynsha keńes beredi, sondyqtan olar kóleńkeli shemalardyń belgili bir belgilerin, atap aıtqanda salyq salýdan jaltarýdy, bıýdjet qarajatyn urlaýdy, qarajatty zańsyz shyǵarýdy jáne offshorǵa aýdarýdy ýaqtyly anyqtaı alady.
«Osyǵan baılanysty aýdıtorlyq uıymdar qarjy monıtorıngi sýbektileriniń tizbesine engizilgen jáne olarǵa kiristerdi jylystatýǵa jáne terrorızmdi qarjylandyrýǵa qarsy is-qımyl týraly zańnyń barlyq talaptary qoldanylady», dep jazady agenttiktiń baspasóz qyzmeti.
Qazaqstanda 484 aýdıtorlyq uıym jumys isteıdi jáne olardyń 418-i qarjy monıtorıngi agenttiginiń qarjy operasııalary týraly derekterdi jınaý júıesinde tirkelgen.
Vedomstvo atap ótkendeı, derekterdi jınaý júıesinde tirkelgen aýdıtorlyq uıymdardyń az bóligi ǵana shekti jáne kúdikti operasııalar týraly habarlamalar jiberedi.
Agenttik óz kezeginde joǵaryda kórsetilgen málimetterdi keıinnen tekserý jáne qajetti sharalar qabyldaý úshin aýdıtorlyq uıymdardyń retteýshisi - ishki memlekettik aýdıt komıtetine jiberedi.
Tekserý qorytyndysy boıynsha kiristerdi jylystatýǵa jáne terrorızmdi qarjylandyrýǵa qarsy is-qımyl týraly zań talaptarynyń saqtalmaý faktileriniń anyqtalýy osyndaı aýdıtorlyq kompanııalardyń iskerlik bedeline eleýli nuqsan keltiredi, dep atap ótti agenttikte.
О́z kezeginde AFM qylmystyq aqshany zańdastyrýǵa qarsy is-qımylda aýdıtorlyq uıymdarmen dıalog júrgizýge daıyn ekendigin bildirdi.
