Sondaı-aq jaqynda ǵana 99 jasqa tolǵan QR halyq ártisi, Qazaqstan Respýblıkasy Memlekettik syılyǵynyń laýreaty, Qazaqstannyń Eńbek Eri Iýrıı Pomeransevke arnalǵan eskertkish juldyzdyń saltanatty ashylýy ótti.
Atalǵan sharaǵa densaýlyǵyna baılanysty Iýrıı Pomeransevtyń ózi qatysa almady. Saltanatty sharaǵa «Qazaqfılm» kınostýdııasy men M.Lermontov atyndaǵy memlekettik akademııalyq orys drama teatry basshylyǵy men ujymy, Ulttyq kınony qoldaý memlekettik ortalyǵynyń ókilderi, Sháken Aımanovtyń týǵan-týystary, belgili kınogerler men jýrnalıster qatysty.
«Mine, 40 jylǵa jýyq bizdiń kınostýdııamyz uly rejısser Sháken Aımanovtyń esimimen atalyp keledi. Ol bizdiń mádenıetimizdiń damýyna úlken úles qosty. Sháken Kenjetaıuly zamandastarymen birge ulttyq kınonyń berik irgetasyn qalady. Sondaı-aq, búgin qazaq kınosynyń juldyzdar alleıasynda «Bizdiń súıikti dáriger» fılminde basty róldi somdaǵan QR halyq ártisi, Qazaqstannyń Eńbek Eri Iýrıı Borısovıch Pomeransevke arnalǵan ataýly juldyz jandy», dedi «Qazaqfılm» kınostýdııasynyń prezıdenti Aqan Sataev.
Atalǵan sharaǵa M.Lermontov atyndaǵy Ulttyq orys drama teatrynyń dırektory Iýrıı Iаkýshev qatysyp, kınostýdııa basshylyǵyna iltıpat bildirgeni úshin alǵys aıtyp, kelesi jyly Iýrıı Pomeransevtyń júz jyldyq mereıtoıy toılanatynyn atap ótti. Is-sharadan keıin Qazaq kınosynyń mýzeıinde qonaqtarǵa arnalǵan shaǵyn ekskýrsııa ótkizildi.
Ekskýrsııa barysynda «Qazaqfılmniń» prezıdenti Aqan Sataev jınalǵandarǵa jańǵyrtý baǵdarlamasy boıynsha kınostýdııaǵa satyp alynǵan jańa kınotehnıkany tanystyrdy.
