«Túzetýlerdiń ekinshi blogy sybaılas jemqorlyq faktileri týraly habarlaǵan adamdardy qorǵaý júıesin qalyptastyrýǵa baǵyttalǵan», dedi QR Sybaılas jemqorlyqqa qarsy is-qımyl agenttiginiń tóraǵasy Marat Ahmetjanov Májilistiń jalpy otyrysynda sybaılas jemqorlyqqa qarsy is-qımyl zańnamasyna túzetýlerdi usyna otyryp.
Sybaılas jemqorlyq faktileri týraly habarlaǵan adamdardy qorǵaýdyń keshendi júıesin qurý maqsatynda:
1) Sybaılas jemqorlyqqa qarsy is-qımylǵa járdem kórsetken adamdy kelisý komıssııasynyń usynymynsyz tártiptik jaýaptylyqqa tartýǵa nemese laýazymynan bosatýǵa nemese basqa laýazymǵa aýystyrýǵa bolmaıdy dep bekitilsin;
2) Adamnyń sybaılas jemqorlyqqa qarsy is-qımylda járdem kórsetýi týraly aqparatty, ony jarııa etkeni úshin qylmystyq jaýaptylyq engize otyryp, qupııa aqparatqa jatqyzsyn;
3) Quqyqtyq olqylyqtardy joıý jáne qylmystyq proseske qatysatyn adamdardy qorǵaýdyń qoldanystaǵy tetikterin jetildirý maqsatynda qoldanystaǵy normalardyń kemshilikterin bolǵyzbaıtyn túzetýler keshenin engizýge mindetti.
Aıta ketsek, búgin Májilistiń jalpy otyrysynda «Qazaqstan Respýblıkasynyń keıbir zańnamalyq aktilerine sybaılas jemqorlyqqa qarsy is-qımyl máseleleri boıynsha ózgerister men tolyqtyrýlar engizý týraly» zań jobasy qaralýda.
