Rýslan Jaqsylyqov Prezıdentke «Qaýipsiz el» ulttyq jobasynyń júzege asyrylý barysy týraly, sondaı-aq Memleket basshysynyń Qarýly Kúshter qurylymy men quramyn jańǵyrtý jáne áskerı daıyndyqty jetildirý, sıfrlandyrý isin odan ári jalǵastyrý, áskerı ınfraqurylymdy damytý, áskerı qyzmettiń bedeli men tartymdylyǵyn arttyrý jóninde bergen tapsyrmalarynyń oryndalýy jóninde baıandady.
Qasym-Jomart Toqaevqa memlekettiń áskerı qaýipsizdigin qamtamasyz etý jónindegi, onyń ishinde Arnaıy operasııalar kúshterin qalyptastyrý aıasyndaǵy mindetterdi sheshýdiń tıimdiligin arttyrýǵa baǵyttalǵan is-sharalar jóninde aqparat berildi.
Budan bólek Joǵarǵy Bas qolbasshyǵa jeke quramnyń jabdyqtalýyna qatysty qazirgi ahýal, qarý-jaraq pen áskerı tehnıkanyń jaǵdaıy, materıaldyq-tehnıkalyq quraldardyń qolda bar qory jóninde baıandaldy. Memleket basshysynyń tapsyrmasyn iske asyrý aıasynda áskerı vedomstvo otandyq qorǵanys-ónerkásip keshenimen ózara yqpaldasa otyryp, áskerdi tehnıkalyq turǵydan qaıta jaraqtaý sharalaryn qabyldap jatyr.
Kezdesý sońynda Prezıdent Qarýly Kúshterdiń keshendi ári júıeli damýyn qamtamasyz etýge jáne olardyń qajetti deńgeıdegi áskerı daıyndyǵyna qoldaý kórsetýge, sondaı-aq elimizdiń qorǵanys qabiletin odan ári arttyrýǵa baǵyttalǵan birqatar tapsyrma berdi.
